განათლებისა და მეცნიერების კომიტეტმა მთავრობის მიერ წარდგენილ კანონპროექტს „უმაღლესი განათლების შესახებ“  მხარი დაუჭირა

პარლამენტის განათლებისა და მეცნიერების კომიტეტმა მეორე მოსმენით განიხილა და მხარი დაუჭირა საქართველოს მთავრობის მიერ საკანონმდებლო ინიციატივის წესით წარმოდგენილ კანონპროექტს „უმაღლესი განათლების შესახებ“ საქართველოს კანონში ცვლილების შეტანის თაობაზე“.

„აბიტურიენტების ხელშეწყობის მიზნით საქართველოს ფიზიკური აღზრდისა და სპორტის სახელმწიფო სასწავლო უნივერსიტეტში სწავლა ერთიანი ეროვნული გამოცდების გავლის გარეშე, საქართველოს მთავრობის მიერ დადგენილი წესით და დადგენილ ვადებში დასაშვებია საქართველოს ეროვნული ნაკრები გუნდის წევრებისათვის, რომლებიც ოლიმპიურ/პარაოლიმპიურ თამაშებში გახდებიან ოქროს, ვერცხლის ან ბრინჯაოს მედალოსნები", - განაცხადა საკითხის მომხსენებელმა საქართველოს განათლებისა და მეცნიერების მინისტრის მოადგილემ ვალერიან გობრონიძემ.

როგორც შალვა პაპუაშვილმა აღნიშნა, სპორტსმენების წახალისების სხვადასხვა ფორმებზე პარლამენტი აქტიურად მუშაობს.

„პარლამენტის კვლევითმა ცენტრმა გააკეთა ანალიზი თუ როგორ ხდება სხვადასხვა ქვეყნებში სპორტსმენების წახალისება და ამ ფორმებზე უკვე მსჯელობს სპორტის და ახალგაზრდულ საქმეთა კომიტეტი. ამ ეტაპზე კი ეს ინიციატივა შეეხება მხოლოდ ოლიმპიადის მედალოსნებს“, - განაცხადა შალვა პაპუაშვილმა.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 06.12.2021
პაატა დავითაია - საკონსტიტუციო ცვლილებებთან დაკავშირებით „ქართული ოცნების“ და „ნაციონალური მოძრაობის“ ინტერესები ემთხვევა - ბარიერის დაწევა აუცილებელია ქართული დემოკრატიის განვითარებისთვის
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“