ნიკარაგუაში ოკუპირებული აფხაზეთის ე.წ. საელჩო იხსნება.„სპუტნიკის“ ინფორმაციით, „ბრძანებას“ ნიკარაგუაში ე.წ. აფხაზეთის საელჩოს დაარსების თაობაზე ოკუპირებული აფხაზეთის დე ფაქტო პრეზიდენტმა ასლან ბჟანიამ მოაწერა ხელი.

„აფხაზეთის რესპუბლიკისა და ნიკარაგუას რესპუბლიკას შორის დიპლომატიური ურთიერთობების დაარსებასთან დაკავშირებით, ნიკარაგუას რესპუბლიკაში, ქალაქ მანაგუაში დაარსდეს აფხაზეთის რესპუბლიკის საელჩო“, - აღნიშნულია ე.წ. ბრძანებაში.

ნიკარაგუამ ოკუპირებული აფხაზეთის ე.წ. დამოუკიდებლობა 2008 წლის 3 სექტემბერს აღიარა, ერთი წლის შემდეგ კი, საქართველოს ოკუპირებულ რეგიონთან ე.წ. დიპლომატიური ურთიერთობა დამყარდა.