ეპიდსიტუაცია კვლავ რთული რჩება, - ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ უწყებათაშორისი საკოორდინაციო საბჭოს სხდომის დასრულების შემდეგ ბრიფინგზე განაცხადა.ამასთან, მისივე თქმით, ეპიდვითარების ყველაზე მძიმე მაჩვენებლები შემცირდა, მაგრამ საქართველოს ზღვრულ მაჩვენებელზე ორჯერ მეტია.

„ეპიდსიტუაცია კვლავ რთული რჩება. ეპიდვითარების ყველაზე მძიმე მაჩვენებელი ოდნავ შემცირდა, მაგრამ საქართველოში ზღვრულ ჩათვლილ მაჩვენებელზე ორჯერ მეტია.

ოდნავ შემცირებულია ბოლო 2 კვირის ინციდენტობის მაჩვენებელი, ვთვლით, რომ 17-18 ნოემბერს ინციდენტობის საშუალოს პიკური პერიოდი გადავიტანეთ, მაგრამ დაღმავალი სვლა ჯერჯერობით მაინც მაღალი ციფრებით ხორციელდება. გუშინწინ ცოტა მეტად დამაიმედებელი აცრის მაჩვენებელი გვქონდა, როდესაც 9600-მდე ადამიანი აიცრა ერთ დღეში. პანდემიის პროცესს ვერაფერი შეაჩერებს მასობრივი ვაქცინაციის და რეგულაციების დაცვის გარდა“, - განაცხადა გამყრელიძემ.