მოსამართლეობის კანდიდატი გენადი მაკარიძე - მუშაობა დავიწყე დარაჯად და დღეს თქვენს წინაშე ვარ წარმოდგენილი, ერთადერთი რაც ვიცოდი, ყოველთვის უნდა მეშრომა

დავიწყე მუშაობა დარაჯად და დღეს თქვენს წინაშე ვარ წარმოდგენილი - ერთადერთი რაც ვიცოდი, ყოველთვის უნდა მეშრომა, ვშრომობდი და ვშრომობდი პატიოსნად, რაც იმ დროისათვის იმ თანამდებობაზე მევალებოდა, სადაც ვიყავი, - აღნიშნული განცხადება უზენაესი სასამართლოს მოსამართლეობის კანდიდატმა გენადი მაკარიძემ პარლამენტის იურიდიულ საკითხთა კომიტეტის სხდომაზე გააკეთა.

მაკარიძემ ხაზგასმით აღნიშნა ისიც, რომ სასამართლო სისტემაში მისი მუშაობის დღიდან არ ყოფილა ადამიანი, ვისთან რაიმე ფორმით - ნათესაური, ახლობლური თუ მეგობრული ფორმით იყო კავშირში.

“თვითონ ეს პროფესია ძალიან მიყვარს. სკოლას რომ ვამთავრებდი, ვიცოდი და მინდოდა, რომ იურისტი ვყოფილიყავი, თუმცა იმთავითვე, რომ მოსამართლე გამოვსულიყავი, გადაწყვეტილი არ მქონდა. გადაწყვეტილი მქონდა, იურისტი ვყოფილიყავი და საბოლოოდ, მოგვიანებით ოცნება ავიხდინე და იურიდიულზე ჩავაბარე“, - განაცხადა გენადი მაკარიძემ