გოჩა ენუქიძის განცხადებით, სოფელ ჩხუტელში, კვირიკაშვილების შიდა საუბნო გზის სარეაბილიტაციო სამუშაოები დასრულების ფაზაშია
ცაგერის მუნიციპალიტეტის სოფელ ჩხუტელში, ცენტრალური ასფალტირებული გზიდან, კვირიკაშვილების უბნის მიმართულებით საავტომობილო გზის სარეაბილიტაციო სამუშაოები მიმდინარეობს. ამის შესახებ ინფორმაციას რაჭა-ლეჩხუმისა და ქვემო სვანეთის სამხარეო ადმინისტრაცია ავრცელებს.
მათივე ცნობით, რაჭა-ლეჩხუმ- სვანეთის დეპუტატი გოჩა ენუქიძე, სახელმწიფო რწმუნებულთან პაპუნა მარგველიძესთან, ცაგერის მერთან გიორგი ნემსაძესთან და ადგილობრივი ხელისუფლების წარმომადგენლებთან ერთად, მიმდინარე სამუშაობს ადგილზე გაეცნო.
დეპუტატის ინფორმაციით, აღნიშნული მონაკვეთის სარეაბილიტაციო სამუშაოები, რომელსაც შპს “ამჯ-ჯგუფი” ახორციელებს, დასრულების ფაზაშია და ღირებულებად 248 299 ლარია განსაზღვრული.
„საგზაო და სასმელი წყლის ინფრასტრუქტურის კეთილმოწყობა, გაზიფიცირებისა და ინტერნეტიზაციის აქტიური პროცესი, ჩვენი გუნდის მნიშვნელოვანი პრიორიტეტია. ამიტომ, ცენტრალური და ადგილობრივი ხელისუფლებების კოორდინირებული მუშაობით, ეტაპობრივად განვახორციელებთ ყველა იმ მნიშვნელოვან პროექტს, რაც ხელს შეუწყობს მოსახლეობის სოციალურ-ეკონომიკური მდგომარეობის გაუმჯობესებას და ჩვენი რეგიონის სწორ განვითარებას”, - აცხადებს გოჩა ენუქიძე.
v-if="article.gallery" v-html="article.gallery"
