საქართველოს მესამე პრეზიდენტის მიხეილ სააკაშვილის მკურნალი ექიმის ნინო გოგორიშვილის განცხადებით, მიხეილ სააკაშვილი სასამართლო პროცესიდან დაბრუნების შემდეგ ძალიან დაღლილი და სუსტად იყო, თუმცა ანალიზების შედეგები დამაკმაყოფილებელია.
ნინო გოგორიშვილის განცხადებით, მიხეილ სააკაშვილი „გაფართოებულ კვებაზე“ გადავიდა.
„ანალიზები ყველაფერი რიგზეა, ნორმაშია, პაციენტი იყო ძალიან დაღლილი, დაისვენა, თუმცა დღეს დილით აღენიშნებოდა ისევ მცირე სისუსტე, მაგრამ არის მხნედ.
რაც შეეხება რაციონს, გადავედით პირველ მაგიდაზე, გაფართოებულ კვებაზე.
სასამართლოდან დაბრუნების შემდეგ წნევა იყო სტაბილური, როგორც კი მოვიდა მაშინვე ავიღეთ ყველა მონაცემი და იყო ნორმაში.
მკურნალობა მიდის სრული სპექტრით გამოკვლევები ჩატარდება თითქმის ყოველდღიურად და ყველა მონაცემები არის ნორმის ფარგლებში. სტაბილურია მდგომარეობა აბსოლუტურად, რეაბილიტაციურ ჩარევას არ საჭიროებს“, - განაცხადა ნინო გოგორიშვილმა.