აჭარაში ოპოზიციის წევრები სხვადასხვა ქვეყნის ელჩებს დღეს შეხვდებიან. ოპოზიციის წევრები უკვე შეხვდნენ აშშ-ს საელჩოს წარმომადგენლებს. დაგეგმილია ასევე შეხვედრა ლიეტუვასა და ესტონეთის ელჩებთან, ასევე NDI-ის IRI-ის წარმომადგენლებთან.

შეხვედრაზე მთავარი საკითხი ბათუმის საკრებულოს წევრის, ნუგზარ ფუტკარაძის გარდაცვალებასთან დაკავშირებული საქმე იქნება. ასევე დაგეგმილია ესტონეთის ელჩთან შეხვედრა.

ცნობისთვის, „ერთიანი ნაციონალური მოძრაობის" აჭარის ორგანიზაციაში 24 ნოემბერს გამართულ ბრიფინგზე განაცხადეს, რომ ბათუმის ახალი მოწვევის საკრებულოს წევრს „ერთიანი ნაციონალური მოძრაობიდან" ნუგზარ ფუტკარაძეს, რომელიც გარდაიცვალა, თორნიკე რიჟვაძის მამის, დავით რიჟვაძის დავალებით, მოსყიდვის სანაცვლოდ 100 ათას დოლარს სთავაზობდნენ. როგორც „ერთიანი ნაციონალური მოძრაობის“ წევრმა გიორგი კირთაძემ განაცხადა, მათ შესაბამის მტკიცებულებად აუდიო ჩანაწერი აქვთ, რომელიც თავად ნუგზარ ფუტკარაძემ გააკეთა და მას პირადად გადასცა.