სერგო ჩიხლაძე - „სტრატეგია აღმაშენებელს“ არც აქციების მოწყობის ეშინია - არავინ აპირებს, ირაკლი კობახიძეს და „ქართულ ოცნებას“ თავხედობა გაუტაროს

ჩვენ, „სტრატეგია აღმაშენებელს“ ნამდვილად არ გვეშინია არც აქციების მოწყობის , - ამის შესახებ „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ „პალიტრანიუსის“ გადაცემაში „360 გრადუსი“ განაცხადა.

მისი თქმით, მნიშვნელოვანია ოპოზიცია საერთო ბრძოლის ტაქტიკით ჩაერთოს მიმდინარე პოლიტიკურ პროცესებში.

როგორც სერგო ჩიხლაძემ აღნიშნა, მცირე პარტიების მსგავსად, არც „ერთიან ნაციონალურ მოძრაობას“ აწყობს 5%-იანი საარჩევნო ბარიერი.

„პარალელური პროცესებია, ერთი ბრძოლის ხაზი არის მიხეილ სააკაშვილის პროცესი, მეორე არის ვადამდელი არჩევნები, მესამეა საკონსტიტუციო ცვლილებების მიღება ა.შ. ასე უნდა შევხედოთ და არა ისე, რომ ან ერთზე ვისაუბროთ ან მეორეზე. ეს არის პარალელური ხაზები და ყველა უნდა ჩაერთოთ ჩვენ-ჩვენი კომპეტენციით. ეს არის ბრძოლის ტაქტიკა და აქ, რა თქმა უნდა, ყველგან ჩავერთვებით. ჩვენ, „სტრატეგია აღმაშენებელს“ ნამდვილად არ გვეშინია არც აქციების მოწყობის.

არასწორი დაყოფაა, რომ დიდი პარტიაა „ნაციონალური მოძრაობა“ და იმას აწყობს 5%-იანი ბარიერი, რადგან გასაგებია, რომ არ ექნება „ნაცმოძრაობას“ ამის გადალახვის პრობლემა ისევე, როგორც „ქართულ ოცნებას“, მაგრამ გავიხსენოთ 2016 წელი, როდესაც 5%-იანი ბარიერი იყო, ოპოზიციის ხმების 46% დაიკარგა და ძირითადად წავიდა „ქართული ოცნებისკენ“. ეს არც „ნაციონალურ მოძრაობას“ არ აწყობს, რადგან დიდი, საშუალო, პატარა პარტიები, არ აქვს მნიშვნელობა, ამაში არის დაინტერესებული, რადგან ამ ოპოზიციურ ყულაბას თუ 20%-ც მოაკლდება, ის ხმები შემდეგ საკმარისი არ არის, რომ საპირწონე იყოს”, - განაცხადა ჩიხლაძემ.

სერგო ჩიხლაძემ ისაუბრა უმრავლესობის ლიდერის, ირაკლი კობახიძის განცხადებასთან დაკავშირებითაც, რომლის თანახმადაც თუ საკონსტიტუციო ცვლილებები იქნება მიღებული, პროპორციული სისტემის შესახებ ჩანაწერი, ისე როგორც ჩანაწერი ბარიერის კუთხით, 2024 წლიდან უნდა ამოქმედდეს, ჩიხლაძის შეფასებით არავინ აპირებს „კობახიძეს გაუტაროს“.

„ქართულ ოცნებას“ ყველაფერი შეუძლია, მაგრამ 19 აპრილის შეთანხმებაზე ვერავის ვერაფერს ვერ დააბრალებს, 19 აპრილის შეთანხმებიდან ის ცალმხრივად გავიდა. რა თქმა უნდა, გადაკვეთის წერილები არის და ეს დიალოგი მოგვიწევს, თუნდაც ვადამდელ არჩევნებთან მიმართებაში, თუნდაც ამ ბარიერთან დაკავშირებით. ამ შემთხვევაში ნამდვილად არავინ აპირებს, რომ ირაკლი კობახიძეს და „ქართულ ოცნებას“ გაუტაროს კიდევ ეს თავხედობა. ძალიან რადიკალურებიც ვიქნებით, თუ საჭირო იქნება“, - განაცხადა სერგო ჩიხლაძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!