ბულგარეთის რესპუბლიკის საგარეო საქმეთა სამინისტროს, შრომისა და სოციალური პოლიტიკის სამინისტროსა და გაეროს მოსახლეობის ფონდის ორგანიზებით ბულგარეთში, ქ. სოფიაში მინისტრთა კონფერენცია -„ევროპის დემოგრაფიული მომავლის შენება” გაიმართა.
ჯანდაცვის სამინისტროს ინფორმაციით, მხარეებმა მოსახლეობის დაბერებასთან, შობადობასთან, გენდერულ თანასწორობასა და ოჯახის პოლიტიკასთან დაკავშირებული საკითხები განიხილეს. ამასთან, საუბარი შეეხო სოციალური პოლიტიკისა და პროგრამების დაფინანსების მექანიზმებსაც.
„კონფერენციაზე სიტყვით ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე გამოვიდა.
თამილა ბარკალაიამ საკუთარ გამოსვლაში ყურადღება სოციალური დაცვის მიმართულებით არსებულ მიღწევებსა და გამოწვევებზე გაამახვილა.
შეხვედრას ევროპისა და ცენტრალური აზიის მთავრობების უმაღლესი წარმომადგენლები, წამყვანი სპეციალისტები და ექსპერტები ესწრებოდნენ“,- აღნიშნავენ უწყებაში.
