კლუბ „ხიდის“ წარმომადგენელი - გავასაჩივრებთ როგორც ჯარიმას, ისე დალუქვის საკითხს

კლუბ „ხიდის“ ხელმძღვანელობა ხვალ შრომის ინსპექციის მიერ დაკისრებულ ჯარიმას და კლუბის დალუქვის საკითხს გაასაჩივრებს.

როგორც კლუბის წარმომადგენელმა, სოფო ებრალიძემ ჟურნალისტებს განუცხადა, მათ 1-ელი დეკემბრიდან ე.წ. მწვანე პასპორტის ამოქმედების საკითხი გაითვალისწინეს და საქმიანობის გაგრძელება სურდათ.

მას შემდეგ, რაც 21 თვის განმავლობაში დახურული ვიყავით, შრომის ინსპექციის სამსახურმა დაგვაჯარიმა 10 ათასი ლარით და დაგვლუქა. დღეს აღასრულეს დალუქვის პროცედურა ისე, რომ ჩვენი მხრიდან ამ პროცესს არავინ ესწრებოდა. ხვალიდან, ორშაბათიდან ვიწყებთ უკვე დავას ამასთან დაკავშირებით, გავასაჩივრებთ როგორც ჯარიმას, ისე დალუქვის საკითხს. ვიცოდით, რომ კლუბები ნოემბრის განმავლობაში უნდა გახსნილიყო. ეს თარიღი ბევრჯერ შეიცვალა და უსასრულოდ გაგრძელდა. ჩვენ სწორედ ამიტომ მივიღეთ გადაწყვეტილება. დავეფუძნეთ 1-ელი დეკემბრის შემდეგ შემოღებულ „მწვანე პასპორტების“ სისტემას“,-განაცხადა ებრალიძემ.

ცნობისთვის, შრომის ინსპექციამ კლუბი „ხიდი“ 10 000 ლარით დააჯარიმა და დალუქა. შრომის ინსპექციის განცხადებით, მათი ზედამხედველობისას კლუბში აკრძალული გასართობი ღონისძიების ფაქტი გამოავლინა.

„აღსანიშნავია, რომ შრომის ინსპექციის მხრიდან აღნიშნული ორგანიზაცია არაერთგზის იქნა გაფრთხილებული, მასობრივი გასართობი ღონისძიების განხორციელების აკრძალვასთან დაკავშირებით, ვინაიდან 1-ელი დეკემბრიდან ამოქმედებული ცვლილებების მიუხედავად იზოლაციისა და კარანტინის წესების შესახებ საქართველოს მთავრობის N322 დადგენილების შესაბამისად, მასობრივი გასართობი თუ სოციალური ღონისძიებების განხორციელება კვლავ აკრძალვად რჩება.

მიუხედავად ამისა, კლუბის ხელმძღვანელობამ მხედველობაში არ მიიღო აღნიშნული გარემოება და ქვეყანაში არსებული ეპიდსიტუაციის მიუხედავად, ორგანიზება გაუწია მასობრივ გასართობ ღონისძიებას.

აღნიშნული გარემოების გათვალისწინებით, შრომის ინსპექციამ მიიღო ობიექტის დალუქვის გადაწყვეტილება და დააჯარიმა 10 000 ლარით“, - განმარტავენ შრომის ინსპექციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი