საშემოდგომო სესიის ბოლო კვირაში, ხუთშაბათს და პარასკევს პარლამენტი „მინისტრის საათის“ ფორმატში ეკონომიკისა და მდგრადი განვითარების მინისტრს, ნათია თურნავას და იუსტიციის მინისტრს რატი ბრეგაძეს მოუსმენს. ამის შესახებ პარლამენტის თავმჯდომარემ, კახა კუჭავამ ბიუროს სხდომაზე განაცხადა.

ამასთან, მისივე თქმით, პარლამენტი ოთხშაბათს საქართველოს სახელმწიფო ბიუჯეტს დაამტკიცებს.

როგორც კუჭავამ აღნიშნა, მომავალი კვირის სამშაბათი, ტრადიციულად, პოლიტიკურ განცხადებებს დაეთმობა.

კვირის განმავლობაში კი პარლამენტი დაჩქარებული წესით განსახილველ კანონპროექტებზე იმსჯელებს.