ნიკა სიმონიშვილი - სუს-ის მხრიდან ​გამოძიების დაწყება კითხვებს თავიდანვე ბადებდა იმ ფონზე, რომ "რევოლუციის" უბრალოდ სიტყვით ხსენება, დანაშაულს არ წარმოადგენს

სიტყვა „რევოლუციის“ ხსენება, ცალკე დანაშაული არ არის, დანაშაულია ძალადობით ამ ქმედებების განხორციელება, - ასე უპასუხა საქართველოს ახალგაზრდა იურისტთა ასოციაციის თავმჯდომარე, ნიკა სიმონიშვილმა „ნაციონალური მოძრაობის“ თავმჯდომარის, ნიკა მელიას სახელმწიფო უსაფრთხოების სამსახურში დაბარებასთან დაკავშირებულ კითხვას.

მისივე თქმით, სუს-ის მიერ ოპოზიციონერი ლიდერის წინააღმდეგ საქმის აღძვრა კითხვის ნიშნებს შეიცავს.

„სიტყვა „რევოლუციის“ ხსენება, ცალკე დანაშაული არ არის, დანაშაული არის ძალადობით ამ ქმედებების განხორციელება. ამდენად, გამოძიების დაწყება უბრალოდ სიტყვა „რევოლუციის“ ხსენებაზე, ან „გადატრიალებაზე“, ან „დამხობაზე“, ეს ცალკე დანაშაულს არ გვაძლევს. აქედან გამომდინარე, კითხვები, რა თქმა უნდა, დაიბადა ამ გამოძიების დაწყებასთან მიმართებით. კითხვები მით უმეტეს არსებობდა იმის გამო, რომ ჩვენ ვხედავთ სახელმწიფო უსაფრთხოების სამსახური არის პოლიტიზირებული, გამოიყენება ძირითადად პოლიტიკური მიზნებისთვის. ეს კიდევ ერთხელ დაადასტურა რამდენიმე თვის წინ გავრცელებულმა ე.წ. კრებსებმა, სადაც ნათლად ჩანდა, რომ ხელისუფლება უსმენდა, უთვალთვალებდა მის პოლიტიკურ ოპონენტებს, საზოგადოების სხვადასხვა სფეროს წარმომადგენლებს, მათ შორის უფლებადამცველებსაც და ამის გაკეთების რესურსი ერთადერთი უსაფრთხოების სამსახურს ჰქონდა. სუს-ის მხრიდან გამოძიებაის დაწყება, იმ ორგანოს მხრიდან, რომელიც არსებითად პოლიტიზირებული არის, კითხვებს თავიდანვე ბადებდა იმ ფონზე, რომ სიტყვა რევოლუციის ხსენება, უბრალოდ სიტყვით ხსენება, სისხლის სამართლის კოდექსის მიხედვით დანაშაულს არ წარმოადგენს“, - განაცხადა ნიკოლოზ სიმონიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024