პედაგოგები, რომელთაც მასწავლებლის საგნობრივი კომპეტენციის დამადასტურებელ გამოცდაზე ზღვარი ვერ გადალახეს, პარლამენტთან აქციას მართავენ

საქართველოს პარლამენტის შენობასთან პედაგოგები, რომლებმაც მასწავლებლების კომპეტენციის განმსაზღვრელი გამოცდები ვერ ჩააბარეს, აქციას მართავენ.

მათი მოთხოვნაა, სტატუსი შეუნარჩუნდეთ, ხოლო გამოცდები ნებაყოფლობითი გახდეს.

„ვითხოვთ, შეგვინარჩუნდეს პედაგოგის სტატუსი, დავრჩეთ სისტემაში ისევ ისე, მოვითხოვთ იმას, რომ კრედიტქულები რაც აღებული მაქვს, შემინარჩუნდეს, ნებაყოფლობითი იყოს ეს გამოცდები, მინდა ავიმაღლებ სტატუსს მინდა, არ ავიმაღლებ, როგორც უცხოეთშია.

ფაქტობრივად შემიწყდა სტატუსი, საგანი ჩაბარებული მაქვს, უნარებში ზღვარი გადავლახე, მაგრამ ნახევარი ქულა დამაკლეს, მქონდა 21 კრედიტი, შესაბამისად ვერ ავიმაღლე სტატუსი და დავრჩი უსტატუსო პედაგოგი“, - განაცხადა აქციის მონაწილემ.