ნიკოლოზ სამხარაძე - პარტნიორები ხვდებიან, რომ რუსეთის შეჩერება მხოლოდ პოლიტიკური განცხადებებით შეუძლებელია-მიმდინარეობს მუშაობა, როგორც სანქციების პაკეტზე, ასევე ერთობლივ პასუხზე ნატო-ს მხრიდან

ვენი პარტნიორები ძალიან კარგად ხვდებიან, რომ რუსეთის შეჩერება მხოლოდ სიტყვებით და პოლიტიკური განცხადებებით უკვე შეუძლებელია. ძალიან ოპტიმისტურად ვარ განწყობილი, რომ პასუხი იქნება ძალიან მკაფიო დასავლეთის მხრიდან და ძალიან მკაცრი,- ამის შესახებ საქართველოს პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ საპარლამენტო დელეგაციის ვაშინგტონში ოფიციალური ვიზიტის შეჯამებისას განაცხადა.

მისივე თქმით, დასავლეთის მხრიდან მიმდინარეობს მუშაობა როგორც სანქციების პაკეტზე, ასევე ერთობლივ პასუხზე ნატო-ს მხრიდან.

„მე შემიძლია გითხრათ, რომ ჩვენი პარტნიორებიდან და ჩვენი თანამოსაუბრეებიდან ყველა თითქმის ისე აღიქვამს სიტუაციას და ზუსტად ისევე აანალიზებს ამ საკითხს, როგორც ჩვენ, აქედან გამომდინარე, ისინი ძალიან კარგად ხვდებიან, რომ რუსეთის შეჩერება მხოლოდ სიტყვებითა და პოლიტიკური განცხადებებით უკვე შეუძლებელია, ამიტომ მიმდინარეობს ძალიან აქტიური მუშაობა როგორც სანქციების პაკეტზე, ასევე ერთობლივ პასუხზე ნატო-ს მხრიდან რუსეთის ამ აგრესიული ქმედებების წინააღმდეგ. ძალიან დიდი იმედი მაქვს, რომ საბოლოო ჯამში, როდესაც ამერიკის შეერთებული შტატები თავის ევროპელ პარტნიორებთან ერთად განიხილავს ამ საკითხს, საკმაოდ ქმედითი ნაბიჯები იქნება გადადგმული. ასევე, მინდა აღვნიშნო, რომ ჩვენთან ერთად ამ პერიოდში შეერთებულ შტატებში იმყოფებოდა უკრაინის საპარლამენტო დელეგაცია, რომელსაც ჩვენ გუშინ შევხვდით და ასევე, დავგეგმეთ ერთობლივი ნაბიჯები, როგორ შეიძლება, რომ საქართველომ და უკრაინამ ერთად ვიმუშაოთ ჩვენი ორი ქვეყნის ნატო-ში გაწევრიანების პროცესის დასაჩქარებლად. ძალიან ოპტიმისტურად ვარ განწყობილი, რომ პასუხი იქნება ძალიან მკაფიო დასავლეთის მხრიდან და ძალიან მკაცრი,“- განაცხადა ნიკოლოზ სამხარაძემ.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?