თბილისის რამდენიმე უბანში მიმდინარე სპეცოპერაციის ფარგლებში, სამგორში, სავარაუდოდ, „ქურდული სამყაროს“ წევრობის ბრალდებით კიდევ ერთი ადამიანი დააკავეს

თბილისში, სამგორის რაიონში, სავარაუდოდ, „ქურდული სამყაროს" წევრობის ბრალდებით კიდევ ერთი ადამიანი დააკავეს. აღნიშნული დაკავება თბილისის რამდენიმე უბანში მიმდინარე სპეცოპერაციას უკავშირდება, რომელსაც შინაგან საქმეთა სამინისტრო ახორციელებს.

„ინტერპრესნიუსის“ ინფორმაციით, აღნიშნული სპეცოპერაციის ფარგლებში ჯამში დაკავებულია რამდენიმე პირი. უწყებაში კომენტარი ჯერჯერობით არ კეთდება.