ევროკავშირი მზადაა რუსეთის წინააღმდეგ სანქციები გააფართოვოს, თუკი ის უკრაინის მიმართ აგრესიას განახორციელებს, - მედიის ინფორმაციით, ამის შესახებ ევროკომისიის პრეზიდენტმა, ურსულა ფონ დერ ლაიენმა ევროპარლამენტში განაცხადა.

მისი თქმით, არსებული სანქციების გაზრდისა და გაფართოების გარდა, ევროკავშირმა, შესაძლოა, მიიღოს „უპრეცედენტო ზომები, რომელიც რუსეთისთვის სერიოზული შედეგების მომტანი იქნება“.

„ჩვენი პასუხი ნებისმიერ შემდგომ აგრესიაზე შეიძლება იყოს არსებული სანქციების რეჟიმების გაფართოება და რა თქმა უნდა, ჩვენ მზად ვართ მივიღოთ დამატებითი, უპრეცედენტო ზომები, რომელიც რუსეთისთვის სერიოზული შედეგების მომტანი იქნება,“ - აღნიშნა ევროკომისიის პრეზიდენტმა.