ირაკლი ღარიბაშვილი - ევროკავშირთან პოლიტიკური ასოცირება დემოკრატიის კონსოლიდაციის, კანონის უზენაესობისა და ადამიანის უფლებების დაცვის გზით, „ასოცირებული ტრიოს" ქვეყნების ღირებულებებზე დაფუძნებული თანამშრომლობის ქვაკუთხედია

ლიეტუვას რესპუბლიკის პრეზიდენტის გიტანას ნაუსედას სახელით გამართულ სამუშაო სადილს, რომელიც „ასოცირებული ტრიოსა" და ევროკავშირის წევრი ქვეყნების ლიდერების პატივსაცემად, აღმოსავლეთ პარტნიორობის სამიტის ფარგლებში გაიმართა, საქართველოს პრემიერ-მინისტრი ირაკლი ღარიბაშვილი სოციალურ ქსელ „ტვიტერში" ეხმაურება.

მთავრობის მეთაური აღნიშნავს, რომ ევროკავშირთან პოლიტიკური ასოცირება დემოკრატიის კონსოლიდაციის, კანონის უზენაესობისა და ადამიანის უფლებების დაცვის გზით, „ასოცირებული ტრიოს" ქვეყნების ღირებულებებზე დაფუძნებული თანამშრომლობის ქვაკუთხედია.

„გიტანას ნაუსედასა და ევროკავშირის ლიდერებთან გამართული სამუშაო სადილის ფარგლებში, ნაყოფიერი დისკუსია გვქონდა საქართველოს, მოლდოვასა და უკრაინის „ასოცირებული ტრიოს" საკითხებზე. ევროკავშირთან პოლიტიკური ასოცირება დემოკრატიის კონსოლიდაციის, კანონის უზენაესობისა და ადამიანის უფლებების დაცვის გზით, ჩვენი ღირებულებებზე დაფუძნებული თანამშრომლობის ქვაკუთხედია",-წერს ირაკლი ღარიბაშვილი.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს