საქალაქო სასამართლოში, სადაც მამუკა ხაზარაძის, ბადრი ჯაფარიძისა და ავთანდილ წერეთლის საქმეზე პროცესი იმართება, ოპოზიციური პარტიების წევრები იკრიბებიან
თბილისის საქალაქო სასამართლოში, სადაც ე.წ ფულის გათეთრების საქმეზე პროცესი იმართება, ოპოზიციური პარტიების წევრები იკრიბებიან. სასამართლოში მივიდა „ნაციონალური მოძრაობის” თავმჯდომარე ნიკა მელია, სასამართლოში ასევე იმყოფებიან ოპოზიციონერი გიგი უგულავა, „სტრატეგია აღმაშენებლისა” და „ლელოს” წევრებიც.
სასამართლოს ეზოში სხდომის პარალელურად აქციას მართავს „ლელოს” ახალგაზრდული ორგანიზაცია. მათი განცხადებით, მამუკა ხაზარაძე და ბადრი ჯაფარიძე ისჯებიან ანაკლიის პორტის გამო. ამავდროულად, წარმოდგენილი აქვს პლაკატები წარწერით „ვერ გაგვაჩერებთ”, „ფულის გათეთრება არ მომხადარა”.
სასამართლოს მიმდებარე ტერიტორიაზე მობილიზებულია პოლიცია.
ე.წ. ფულის გათეთრების საქმეზე, რომელზეც ბრალდებულები მამუკა ხაზარაძე, ბადრი ჯაფარიძე და ავთანდილ წერეთელი არიან, თბილისის საქალაქო სასამართლოში დღეს ბოლო სასამართლო პროცესი გაიმართება.
