სალომე სამადაშვილი თამარ კორძაიას განცხადებაზე - არ ვიცი, რაში გამოიხატება პოლიტიკური კორუფცია - ჩვენს კოლეგებსაც აქვთ უცნაური გადაწყვეტილებები მიღებული, მაგრამ არ ვაკრიტიკებთ

არ ვიცი, რაში გამოიხატება პოლიტიკური კორუფცია - ჩვენს კოლეგებსაც აქვთ უცნაური გადაწყვეტილებები მიღებული, სარჩელები შეტანილი საკონსტიტუციო სასამართლოში და უკან გამოტანილი, მაგრამ ჩვენ არ ვაკრიტიკებთ, - ასე ეხმიანება ოპოზიციონერი დეპუტატი სალომე სამადაშვილი ოპოზიციონერი კოლეგის თამარ კორძაიას კრიტიკას საკანონმდებლო ინიციატივაზე, რომლის ერთ- ერთი ავტორი სალომე სამადაშვილიც არის.

სამადაშვილის თქმით, კანონპროექტი, რომლითაც პოლიტიკური ჯგუფის შექმნა მარტივდება, საპარლამენტო საქმიანობის მოქნილობას ემსახურება.

"სამწუხაროა, რომ ასეთი მოსაზრება აქვს, მაგრამ მისი უფლებაა. რადგან ჩვენ მივიღეთ პარლამენტში ისეთი ვითარება არჩევნების შემდეგ, რომ მოხდა გადაჯგუფებები, გადაადგილებები პოლიტიკურ სპექტრში, ამ ეტაპზე ის წარმომადგენლობა პარლამენტში, რაც გვაქვს, ეფექტიანად რომ გამოვიყენოთ, მოქნილობა იყო აუცილებელი. ამიტომ, მე არ ვიცი რაში გამოიხატება აქ პოლიტიკური კორუფცია, ჩემთვის გაუგებარია, ეს არის მოქნილობა საპარლამენტო საქმიანობის და აუცილებელია ამ ეტაპზე. ჩვენს კოლეგებსაც აქვთ უცნაური გადაწყვეტილებები მიღებული, სარჩელები შეტანილი საკონსტიტუციო სასამართლოში და გამოტანილი უკან მანდატის შეწყვეტის შესახებ, მაგრამ ჩვენ არ ვაკრიტიკებთ მათ, ვინც საკუთარი პოლიტიკური ნაბიჯები ისე გადადგა, როგორც თვითონ თვლიან საჭიროდ", - განაცხადა სამადაშვილმა.

ცნობისათვის, პარლამენტის უფრაქციო დეპუტატი თამარ კორძაია ოპოზიციონერი კოლეგების საკანონმდებლო ინიციატივას, რომლის საფუძველზე პარლამენტში პოლიტიკური ჯგუფების შექმნა მარტივდება, “პოლიტიკურ კორუფციად“ აფასებს და აცხადებს, რომ რეგლამენტში დაგეგმილი ცვლილებების პროექტი კონსტიტუციას ეწინააღმდეგება.

ცვლილებები სალომე სამადაშვილმა, პაატა მანჯგალაძემ და თეონა აქუბარდიამ წარადგინეს.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა