პარლამენტმა მხარი დაუჭირა პროექტს, რომლითაც ე.წ. პოლიტიკური ჯგუფის შექმნა ერთი პარტიული სიით გასული დეპუტატების გარდა, ბლოკის სიით გასულ ორ დეპუტატსაც შეეძლება

პარლამენტმა მხარი დაუჭირა პროექტს, რომლის საფუძველზეც ე.წ. პოლიტიკური ჯგუფის შექმნა ერთი პარტიული სიით გასული დეპუტატების გარდა, ბლოკის სიით გასულ ორ დეპუტატსაც შეეძლება.

რეგლამენტში დაგეგმილი ცვლილებების პროექტი, რომელიც პარლამენტის ოპოზიციონერი წევრების - თეონა აქუბარდიას, სალომე სამადაშვილის და პაატა მანჯგალაძის საკანონმდებლო ინიციატივაა, მესამე მოსმენით, 84 ხმით დაამტკიცეს.

„ცვლილებით გვინდა გათანაბრდეს ერთი ბლოკიდან შემოსული ადამიანების შესაძლებლობა და რეგლამენტის გათვალისწინებით სრულყოფილად გამოვიყენოთ საპარლამენტო ტრიბუნა, რაც „მინისტრის საათის“ დროს ნამდვილად დაგვაკლდა“, - აცხადებს ინიციატივის ერთ-ერთი ავტორი პაატა მანჯგალაძე.

როგორც ცნობილია, პარლამენტის წევრების მამუკა ხაზარაძისა და ზურაბ (გირჩი) ჯაფარიძის პარლამენტიდან წასვლის შედეგად, ორი ოპოზიციური ფრაქცია „ლელო - პარტნიორობა საქართველოსთვის“ და „რეფორმების ჯგუფი“ დაიშალა. „სტრატეგია აღმაშენებლის“ წევრებმა პოლიტიკური ჯგუფი იმის გამო ვერ შექმნეს, რომ ისინი პარლამენტში არა ერთი პარტიის, არამედ საარჩევნო ბლოკის სიით მოხვდნენ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა