იუსტიციის მინისტრის განცხადებით, მსჯავრდებულებისთვის „ციფრული უნივერსიტეტი“ ამოქმედდება

იუსტიციის მინისტრის რატი ბრეგაძის განცხადებით, სასჯელაღსრულების დაწესებულებებში უმაღლესი განათლების ხელმისაწვდომობის გაზრდისა და ხარისხის ასამაღლებლად პროექტი „ციფრული უნივერსიტეტი“ იწყება. ამის შესახებ მან პარლამენტში „მინისტრის საათის“ ფარგლებში ისაუბრა.

მისივე ინფორმაციით, უნივერსიტეტებთან თანამშრომლობით, პროექტი მსჯავრდებულებს მისცემს შესაძლებლობას, მიიღონ სრულფასოვანი უმაღლესი განათლება დისტანციური სწავლების მეთოდით და დაეუფლონ მათთვის სასურველ პროფესიას.

„სასჯელის მიზანია სამართლიანობის აღდგენა, ახალი დანაშაულის თავიდან აცილება და დამნაშავის რესოციალიზაცია. ეს დიდწილად მსჯავრდებულის მიერ სათანადო გააზრებითა და ცოდნით მიიღწევა“, – განაცხადა რატი ბრეგაძემ.