ოკუპირებულ სოფელ წინაგარასთან რამდენიმე დღის წინ დაკავებულ საქართველოს მოქალაქეებს საოკუპაციო რეჟიმმა უკანონო პატიმრობა მიუსაჯა.

კერძოდ, დაკავებულ ვლადიმერ კანიაშვილს ერთთვიანი, კახაბერ ნათაძეს ორთვიანი და მამუკა ჩხიკვაძეს ორთვიანი უკანონო პატიმრობა მიესაჯა.

სახელმწიფო უსაფრთხოების სამსახურში ადასტურებენ და აცხადებენ, რომ ინფორმაცია ამის შესახებ ცხელი ხაზის საშუალებით მიიღეს.

რუსეთის საოკუპაციო ძალების მიერ ოკუპირებულ სოფელ წინაგარას მიმდებარედ საქართველოს ორი მოქალაქის უკანონო დაკავების შესახებ 10 დეკემბერს გახდა ცნობილი.