სოხუმში დე ფაქტო ხელისუფლების საწინააღმდეგო აქცია მიმდინარეობს

სოხუმში ოპოზიცური ძალების მიტინგი მიმდინარეობს. აფხაზეთის დრამატული თეატრის ფასადზე, რომლის წინაც აქცია იმართება, გამოკრულია ლოზუნგები: „ხალხს შენი არ ჯერა! ; ხალხი ტყუილით დაიღალა!“; „მოგვეცით შუქი და წყალი!“; „არ დავუშვებთ აფხაზეთის გაყიდვას!“; „ერთხელ გამყიდველი, კვლავაც გაყიდის“; „ბოდიში მოიხადე და წადი!“ . ამის შესახებ „აფსნიპრესი“ იუწყება.

მიტინგი საზოგადო მოღვაწემ ახრა ბჟანიამ გახსნა, რომელმაც განაცხადა, რომ ხელისუფლების გულგრილობის შედეგად, კოვიდპანდემიას უამრავი ადამიანი ემსხვერპლა და ათასობით ადამიანმა ფინანსური დანაკარგი განიცადა.

მანვე ისაუბრა ოკუპირებულ აფხაზეთში არსებულ ენერგოკრიზისზე და განაცხადა, რომ ე.წ. ხელისუფლებას არ აქვს დიალოგი არც ხალხთან, არც ოპოზიციასთან და არც პრესასთან.

მისივე თქმით, არსებობს კითხვები სუვერენიტეტთან დაკავშირებით.

„რა საგარეოპოლიტიკური ინიციატივებია, რომელზეც განიხილება საქართველოსთან მრავალდონიანი მოლაპარაკებები, ჩვენი სუვერენიტეტის დათმობის საკითხი? რაზე იცვლება? რა პირობებით?“, - განაცხადა ბჟანიამ და აღნიშნა, რომ ძალიან ბევრი კითხვა დაგროვდა ე.წ. ხელისუფლებისადმი.

ცნობილია, რომ გუშინ ოკუპირებული აფხაზეთის დე ფაქტო პრეზიდენტმა ასლან ბჟანიამ მოსახლეობას მიმართა და მოუწოდა, მონაწილეობა არ მიეღოთ ე.წ. ოპოზიციის მიტინგში.

სოხუმში მიმდინარე მიტინგთან დაკავშირებით, ე.წ. სამთავრობო ადმინისტრაციების შენობებთან დაცვის გაძლიერებული ზომებია მიღებული.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს