ოკუპირებული აფხაზეთის ოპოზიცია „პრეზიდენტ“ასლან ბჟანიას „თანამდებობიდან“ გადაყენების სამართლებრივი პროცედურის დაწყებას ითხოვს, - ამის შესახებ აღნიშნულია რეზოლუციაში, რომელიც გუშინ, სოხუმში გამართული საპროტესტო აქციის შემდეგ მიიღეს.
ოპოზიცია ასევე მოითხოვს, პროცედურის განმავლობაში ასლან ბჟანიას არ ჰქონდეს „ენერგეტიკული, ქონებრივი და საგარეო პოლიტიკური ინიციატივების“ განხორციელების უფლება“.
რეზოლუციაში ასევე აღნიშნულია, რომ უნდა გაუქმდეს „პრემიერ-მინისტრის პოსტი“ და „მთავრობის“ წევრები პარლამენტმა დაამტკიცოს.
სოხუმში ოპოზიციის მომხრეებმა კან კვარჩიას მეთაურობით, გუშინ ე.წ. პარლამენტის შენობაში შეჭრა სცადეს. ოპოზიციასა და სამართალდამცავებს შორის შეტაკებაც მოხდა. ცნობილია ასევე, რომ ოპოზიციის რამდენიმე წარმომადგენელსა და ასლან ბჟანიას შორის შეხვედრა გაიმართა.