ანა ნაცვლიშვილი ლადო კახაძეს - ბატონო ლადო, თქვენ ამბობდით, სისტემა არ ჩამოიშალა, დგასო - ეს სისტემა 13 ათას გვამზე დგას

ბატონო ლადო, თქვენ ამბობდით, სისტემა არ ჩამოიშალა, დგასო - ეს სისტემა 13 ათას გვამზე დგას,- ასე მიმართა „ლელოს“ წევრმა ანა ნაცვლიშვილმა „ქართული ოცნების“ დეპუტატ ლადო კახაძეს, პარლამენტის პლენარულ სხდომაზე სიტყვით გამოსვლისას, სადაც კანონში დაგეგმილ ცვლილებებს განიხილავენ, რომლის საფუძველზეც, მთავრობას კოვიდსაწინააღმდეგო შემზღუდავი ღონისძიებების მისაღებად, უფლებამოსილების ვადა ერთი წლით - 2023 წლის 1-ელ იანვრამდე უგრძელდება.

ნაცვლიშვილმა ტრიბუნიდან ის კოლეგა დეპუტატებიც გააკრიტიკა, რომლებიც განხილვას არ ესწრებიან. მისი თქმით, ცუდია, რომ აღნიშნული საკითხს, „ფაქტობრივად დაცარიელებულ პარლამენტში განიხილავენ“.

„აბსოლუტურად ყველას, მეტი პასუხისმგებლობა აქვს, იყოს აქ და რეალურად იყოს ჩართული იმ საკითხის განხილვაში, რომელიც 13 ათასი ადამიანის გარდაცვალებას ეხება. ეს სტატისტიკა არაა, ესაა 13 ათასი გაუბედურებული ოჯახი, რომელიც ძალიან მძიმე მდგომარეობაში ჩავარდა და უმძიმესი დღეები გაიარა. შეურაცხმყოფელია ასეთი ინდიფერენტული დამოკიდებულება ამ საკითხის მიმართ“,- განაცხადა ანა ნაცვლიშვილმა.

პარლამენტის პლენარულ სხდომაზე დებატებისა და ოპოზიციის კრიტიკის ფონზე მიმდინარეობს კანონში დაგეგმილი ცვლილებების განხილვა, რომლის საფუძველზეც, მთავრობას კოვიდსაწინააღმდეგო შემზღუდავი ღონისძიებების მისაღებად, უფლებამოსილების ვადა ერთი წლით - 2023 წლის 1-ელ იანვრამდე უგრძელდება.

გიორგი კაჭარავა - ყაზახეთში არსებული ვითარება ბევრ კითხვებს ბადებს, თუ რა სცენარით განვითარდება პროცესები, დასკვნების გაკეთება აშკარად ნაადრევია
მამუკა გამყრელიძე - მსოფლიოში  დაიწყო ახალი გადანაწილება,  არსებული შეთანხმებები და  ფორმატები  ეფექტურად ვეღარ მუშაობს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ავერსი სოციალურად დაუცველ პენსიონერს მერიის 500-ლარიანი ვაუჩერის პროგრამის ფარგლებში მოემსახურება ყოველდღე ფასდაკლებით და საჩუქრად გადასცემს 50-ლარიან სასაჩუქრე ბარათს
„მაგნიტში“ გრანდიოზული საიუბილეო გათამაშება დაიწყო
სილქფესტი სასაუბრო და ინტერნეტ პაკეტების ჩართვას სხვადასხვა პირობით გვთავაზობს
IONIQ 5-ისა და TUCSON-ის ჰოლივუდური დებიუტი ახალ სპაიდერმენში