მიხეილ სააკაშვილის პირადი ექიმი, ნიკოლოზ ყიფშიძე აცხადებს, რომ გორის სამხედრო ჰოსპიტალში არ შეუშვეს.
როგორც თავად ამბობს, ოფიციალური განმარტება, თუ რატომ არ შეუშვეს მესამე პრეზიდენტის მოსანახულებლად, არ მიუღია.
„უარი მითხრეს, ხვალ დილას მობრძანდიო, დღეს ვეღარ შეხვალო. არაფერი განმარტება არ ყოფილა. მკურნალ ექიმს ვურეკავ დაახლოებით 3 საათია, გამოთიშული აქვს ტელეფონი. არავითარი ოფიციალური განმარტება არ მსმენია“, - განაცხადა ნიკოლოზ ყიფშიძემ.