„საქპატენტმა“ 2021 წელი შეაჯამა

საქართველოს ინტელექტუალური საკუთრების ეროვნული ცენტრის - „საქპატენტის“ თავმჯდომარის მოვალეობის შემსრულებელმა, მანანა ფრუიძემ, მოადგილეებთან ნინო ჩიქოვანთან და ბექა დოჭვირთან ერთად, 2021 წელი შეაჯამა და პატენტრწმუნებულებს სამომავლო გეგმების შესახებ მიაწოდა ინფორმაცია. აღნიშნულ ინფორმაციას „საქპატენტი“ ავრცელებს.

როგორც შეხვედრაზე თავმჯდომარის მოვალეობის შემსრულებელმა აღნიშნა, 2021 წელი გამოწვევებით სავსე წელი იყო, თუმცა, მისივე თქმით, წარმატებულად განხორციელდა არაერთი საერთაშორისო პროექტი. ამასთან, პანდემიის გამო შექმნილი ვითარების მიუხედავად, ხაზი გაესვა, რომ საქართველოს ინტელექტუალური საკუთრების ეროვნული ცენტრი - საქპატენტი სრულყოფილად განაგრძობს მუშაობას და მომხმარებლებისთვის სერვისების მიწოდებას.

ღონისძიების ფარგლებში ნინო ჩიქოვანმა პატენტრწმუნებულებს ევროკავშირისა და საქართველოს ინტელექტუალური საკუთრების შესახებ ერთობლივ პროექტში (EUGIPP) ჩართულობისთვის მადლობა გადაუხადა და მის ფარგლებში განხორციელებული აქტივობების შესახებ მიაწოდა ინფორმაცია. ისაუბრეს სასაქონლო ნიშნებისა და დიზაინის სისტემის დახვეწის მიმართულებით განხორციელებულ ღონისძიებებზე, ასევე მცირე და საშუალო მეწარმეებისთვის დაგეგმილ პროექტებზე. შეხვედრაზე აღინიშნა, რომ 2021 წელს წარმატებით დასრულდა ევროკავშირის მიერ დაფინანსებული საჯარო სამსახურების დაძმობილების (Twinning) პროექტი - ,,საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვა“ .

შეხვედრაზე კიდევ ერთხელ იმსჯელეს „საქართველოს საპატენტო კანონში“ შესატან ცვლილებებთან დაკავშირებულ საკითხებზე, რომლის მიღება 2022 წელს იგეგმება.

გარდა ამისა, პატენტრწმუნებულებს გააცნეს 2022 წლის გეგმები და მიაწოდეს ინფორმაცია განსახორციელებელი ღონისძიებების შესახებ.

ტომას გრემი - აშშ-ს არ აქვს არავითარი ინტერესი, რომ საქართველო უშუალოდ ჩაერთოს უკრაინის კონფლიქტში და გნებავთ, „მეორე ფრონტი“ გაიხსნას
ქართული პრესის მიმოხილვა 05.06.2023
ირაკლი მელაშვილი - ვინც ამბობს, რომ რუსეთის უკრაინაში შეჭრის მიზეზი არა უკრაინის სახელმწიფოს განადგურება და იმპერიის აღდგენა, არამედ ნატო-ს გაფართოებაა, ან წარმოუდგენელი ბრიყვია, ან ნამუსგარეცხილი რუსი პროპაგანდისტი
PSP-სა და Lib.ge აკადემიას შორის მემორანდუმი გაფორმდა
„მაიქლაბის“ იუბილესთან დაკავშირებით „კარფური“ მომხმარებელს განსაკუთრებულ ფასდაკლებებსა და პრიზების მოგების შესაძლებლობას სთავაზობს
„დანკინი“ ქსელის განვითარებას განახლებული დიზაინ კონცეფციით განაგრძობს