“ნაციონალური მოძრაობის” ცენტრალურ ოფისში პოლიტიკური საბჭოს სხდომა მიმდინარეობს.
როგორც სხდომის დაწყებამდე პარტიის ლიდერებმა განაცხადეს, დღევანდელ პოლიტსაბჭოს სხდომაზე იმსჯელებენ იმაზე, თუ როგორი იქნება პარტიის სამომავლო სტრატეგია, როგორ აპირებენ ბრძოლის გაგრძელებას და რა იქნება მათი მთავარი მიმართულებები.
მათივე თქმით, პარტიის სამოქმედო გეგმის დღის წესრიგიდან არ მოხსნილა მოთხოვნა ვადამდელი არჩევნების ჩატარებასა და ხელისუფლების ცვლილებაზე, საუბარი სხდომაზე ამ საკითხსაც შეეხება.
გარდა ამისა, პარტიის ზოგიერთმა წევრმა არ გამორიცხა, რომ სხდომაზე საუბარი იქნება პარტიაში განსახორციელებელ სტრუქტურულ ცვლილებებზე, თუმცა კონკრეტულად, პარტიის რომელ წევრს შეეხება ცვლილება, ისინი არ აკონკრეტებენ და აცხადებენ, რომ ცვლილებისა თუ გეგმების შესახებ მედიასთან პოლიტსაბჭოს სხდომის დასრულების შემდეგ ისაუბრებენ.
