ჩეხეთის რესპუბლიკის პარლამენტის დეპუტატთა პალატის თავმჯდომარემ მარკეტა პეკაროვა ადამოვამ და სენატის პრეზიდენტმა მილოშ ვისტრჩილმა შალვა პაპუაშვილს საქართველოს პარლამენტის თავმჯდომარედ არჩევა მიულოცეს. ამის შესახებ ინფორმაციას პარლამენტის პრესსამსახური ავრცელებს.
მათივე ცნობით, მისალოც წერილებში ხაზგასმულია ტრადიციულად მეგობრული ურთიერთობები და თანამშრომლობა ჩეხეთის რესპუბლიკასა და საქართველოს შორის.
ამასთან, ჩეხეთის პარლამენტის ზედა და ქვედა პალატის სპიკერები გამოთქვამენ იმედს, რომ ორმხრივი საპარლამენტო პარტნიორობა კიდევ უფრო გაღრმავდება ორი ქვეყნის ხალხების საკეთილდღეოდ.