ვეტერანების საქმეთა სახელმწიფო სამსახურის დირექტორმა სოფლის მეურნეობის განვითარების სააგენტოს წარმომადგენლებთან შეხვედრა გამართა

ვეტერანების საქმეთა სახელმწიფო სამსახურის დირექტორმა, გენერალ-მაიორმა კობა კობალაძემ და სამსახურის წარმომადგენლებმა, ონლაინ ფორმატში, სოფლის მეურნეობის განვითარების სააგენტოს უფროსთან, ილია თამარაშვილთან და სააგენტოს სხვადასხვა დეპარტამენტების ხელმძღვანელებთან შეხვედრა გამართეს. ამის შესახებ ინფორმაციას ვეტერანების საქმეთა სახელმწიფო სამსახური ავრცელებს.

მათივე ცნობით, საუბრის მიზანს, სოფლის მეურნეობის სფეროში დასაქმებული და აგრარული სექტორის განვითარებით დაინტერესებული ომისა და თავდაცვის ძალების ვეტერანების ინტელექტუალური და ფინანსური მხარდაჭერა წარმოადგენდა.

ამასთან, მხარეებმა ისაუბრეს ვეტერანთა პროფესიული პოტენციალის ასამაღლებლად, სპეციალური, მიზნობრივი, საგანმანათლებლო პროგრამებისა და შეღავათიანი საგრანტო პროექტების შემუშავებაზე; განსაკუთრებით გაესვა ხაზი საქართველოს მთიან და სასაზღვრო რეგიონებში აგრარული პროექტების განხორციელების პერსპექტივებს.

ილია თამარაშვილმა და სოფლის მეურნეობის განვითარების სააგენტოს წარმომადგენლებმა, ქვეყნის ტერიტორიული მთლიანობის, ერთიანობისა და დამოუკიდებლობისათვის ბრძოლაში გაწეული ღვაწლისთვის ვეტერანების მიმართ მადლიერება და პატივისცემა კიდევ ერთხელ გამოხატეს და კობა კობალაძეს, სრული მხარდაჭერა აღუთქვეს.

ასევე, მხარეები შეთანხმდნენ სამომავლო მოქმედებათა გეგმებზე - უახლოეს მომავალში, ვეტერანების საქმეთა სახელმწიფო სამსახურისა და სააგენტოს წარმომადგენელთა მონაწილეობით, შეიქმნება სამუშაო ჯგუფი, რომელიც მთელი საქართველოს მასშტაბით შეისწავლის აგრარული პროექტების განხორციელების შესაძლებლობებს და პროგრამების განსახორციელებლად, გადადგამს ქმედით ნაბიჯებს.

სოფლის მეურნეობის განვითარების სააგენტო, პირველ ეტაპზე ვეტერანებისთვის გამოყოფს ტრენერთა ჯგუფს, რომელიც, მათთვის, ადგილებზე განახორციელებს თეორიულ და პრაქტიკულ სწავლებებს დარგების მიხედვით, რაც მცირე და საშუალო ბიზნესის განვითარებისთვის მნიშვნელოვანი ფაქტორია. ამასთან, დაიგეგმა, ურთიერთთანამშრომლობის მემორანდუმის გაფორმებაც.

აღსანიშნავია, რომ დღევანდელ შეხვედრას წინ უძღოდა გასული წლის 9 დეკემბერს, კობა კობალაძესა და საქართველოს გარემოს დაცვისა და სოფლის მეურნეობის მინისტრს, ლევან დავითაშვილს შორის შეხვედრა, რომელზედაც მხარეებმა იმ გამოწვევებზე ისაუბრეს, რომლებიც სოფლის მეურნეობის სფეროში დასაქმებული ომისა და თავდაცვის ძალების ვეტერანების წინაშე დგას და რომელთა გადალახვაც სამინისტროსა და სამსახურის ერთიანი ძალისხმევითაა შესაძლებელი.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს