საქართველოს პრეზიდენტის, სალომე ზურაბიშვილის შეფასებით, საზოგადოებას მან დიდი მაგალითი მისცა, როდესაცეროვნული თანხმობის ფარგლებში იმ ადამიანებს შეხვდა, ვინც „მას წლების განმავლობაში სხვადასხვა ეპითეტით ამკობდა“.

ამის შესახებ საქართველოს პრეზიდენტმა სალომე ზურაბიშვილმა ჟურნალისტებთან შეხვედრისას განაცხადა, რითაც უპასუხა კითხვას, კარგი მაგალითი იქნებოდა თუ არა ეროვნული თანხმობისთვის სამი პრეზიდენტის შეხვედრა.

როგორც პრეზიდენტი განმარტავს, საზოგადოებას არ უნდა ჰქონდეს ცდუნება, რომ ეროვნული „თანხმობა ჯადოსნურად გადაწყდება, ვიღაცების შერიგება - გარიგებით“.

„მგონი, ამაზე დიდი მაგალითი მივეცი, როდესაც შევხვდი ყველა იმ ადამიანს, რომლებმაც რამდენიმე წლის განმავლობაში მე შემამკეს სხვადასხვა ეპითეტით. არ მინდა, რომ ეს დაკავშირებული იყო ჩემს ქმედებებთან და არაქმედებასთან.

მე მაქვს ინიციატივა, რომელსაც ყველანაირად, სადაც შევძლებ, მინდა, რომ გავაძლიერო ეს საზოგადოებრივი პლატფორმა. არ მივცე საზოგადოებას მოსაზრება, თუ ცდუნება, რომ ეს გადაწყდება ჯადოსნურად, ვიღაცების შერიგება - გარიგებით. ვინც არ უნდა იყოს ეს, გინდაც ყველაზე მაღალ ვერტიკალზე“,- განმარტავს პრეზიდენტი.