ვლადიმერ ბოჟაძე - კახაბერ ილურიძეს ორი ბინა აქვს ვაკეში და ავტოსადგომიც, შესაბამისად არც უსახლკაროა და არც ღარიბ-ღატაკი

თბილისის საკრებულოს უმრავლესობის წევრი ვლადიმერ ბოჟაძე მუნიციპალური ინსპექციის მიერ ორხევში განხორციელებულ სახლის დემონტაჟს ეხმაურება.

როგორც საკრებულოს უმრავლესობის წევრი აცხადებს, პოლიტიკური პარტიები, ემოციების და ფაქტების მანიპულაციით, ქულების დაწერას ცდილობენ და სიმართლეს მალავენ.

ვლადიმერ ბოჟაძის განცხადებით, კახაბერ ილურიძე, რომლის უკანონოდ აშენებული სახლის დემონტაჟიც დღეს განხორციელდა, არ არის უსახლკარო და იგი ვაკეში ორი ბინის და ავტოსადგომის მფლობელია.

ვლადიმერ ბოჟაძის განმარტებით, კახაბერ ილურიძეს, როგორც 2015 წელს თბილისის სტიქიით დაზარალებულს, კომპენსაციის სახით 350 000 ლარზე მეტი აქვს აღებული.

„მძიმე სოციალური სიტუაციის ფონზე, საზოგადოება ძალიან მტკივნეულად აღიქვამს კანონის აღსრულებას, უკანონო შენობების დემონტაჟს. პოლიტიკური პარტიებიც, ემოციების და ფაქტების მანიპულაციით, ცდილობენ ქულების დაწერას და სწორედ ამის უკან იმალება ხშირად სიმართლე, სიმართლე როცა კონკრეტული ადამიანები ცდილობენ უკანონოდ დაისაკუთრონ ქონება. ჩემი ინფორმაციით, კახაბერ ილურიძეს 2015 წელს, როგორც თბილისის სტიქიის დროს დაზარალებულს, კომპენსაციის სახით 350 000 ლარზე (160 000 დოლარი) მეტი აქვს აღებული. ორი ბინაც აქვს ვაკეში და ავტოსადგომიც, შესაბამისად არც უსახლკაროა და არც ღარიბ-ღატაკი. რომც იყოს ეს არ აძლევს მას უფლებას უკანონოდ მიისაკუთროს სახელმწიფოს კუთვნილი მიწა და ასევე უკანონოდ ააშენოს შენობა-ნაგებობა. თუ ზემოთ აღნიშნული პიროვნება, ან ნებისმიერი სხვა მოქალაქე აკმაყოფილებს უსახლკაროს სტატუსისთვის კანონმდებლობით დადგენილ მოთხოვნებს, მერია მზად არის დააკმაყოფილოს საცხოვრისით, ქუჩაში არავინ დარჩება“, - წერს ვლადიმერ ბოჟაძე „ფეისბუქის“ საკუთარ გვერდზე.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა