გიგა ბოკერია - ჩვენ შევძელით საერთაშორისო ასპარეზზე უკრაინის მიმართ ქართული საზოგადოების მხარდაჭერის გატანა, ამიტომ ნიშანდობლივია, რომ ასე აგრესიულად გამოეხმაურნენ რუსეთის წარმომადგენლები აქციას

„ქართული ოცნების“ სამარცხვინო საქციელის ფონზე ჩვენ შევძელით იმის დემონსტრირება და საერთაშორისო ასპარეზზე გატანა, რომ ეს მთავრობა ქართველების კრიტიკულ მასას არ წარმოადგენს, მათ შორის, უკრაინულ და საერთაშორისო სოციალურ მედიაში, - ასე ეხმაურება „ევროპული საქართველოს“ თავმჯდომარე, გიგა ბოკერია რუსეთის მიერ საქართველოს საგარეო უწყებისთვის გამოგზავნილ დიპლომატიურ ნოტას.

გიგა ბოკერიას შეფასებით, „ევროპული საქართველოს“ აქცია იყო ეფექტური, ამიტომ ნიშანდობლივია, რომ ასე აგრესიულად გამოეხმაურნენ ამ აქციას.

„ჩვენ უნდა გვახსოვდეს, რომ პუტინის რუსეთისგან მთელ მსოფლიოში გარდა პირდაპირი სამხედრო აგრესიისა, საქართველოში, უკრაინაში, მიმდინარეობს ომი ე.წ. მორალური უპირატესობისთვის.

ჩვენ ამას უნდა დავუპირისპიროთ მკაფიო მორალური პოზიცია, მტკიცე პოზიცია, რაც ამავდროულად პრაგმატული პოზიციაა და ეფექტურები უნდა ვიყოთ.

ჩემი აზრით, „ევროპული საქართველოს“ აქცია იყო ეფექტური. ჩვენი მთავრობის სამარცხვინო საქციელის ფონზე ჩვენ შევძელით ამის დემონსტრირება და საერთაშორისო ასპარეზზე გატანა, მათ შორის უკრაინულ და საერთაშორისო სოციალურ მედიაში. ის, რომ ეს მთავრობა ქართველების კრიტიკულ მასას არ წარმოადგენს, ძალიან ეტკინათ ისე, როგორც ეფექტური ფორმა ჩვენი მტრული სახელმწიფოს წარმომადგენლებს, ამიტომ ნიშანდობლივია, რომ ასე აგრესიულად გამოეხმაურნენ „ევროპული საქართველოს“ აქციას“, - განაცხადა გიგა ბოკერიამ.

ცნობისთვის, 26 იანვარს რუსეთის ყოფილ საელჩოსთან, „ევროპული საქართველოს“ ორგანიზებული უკრაინის მიმართ მხარდამჭერი აქცია სახელწოდებით „Слава Україні! ბოროტსა სძლია კეთილმან“ გაიმართა.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა