თამარ გაბუნიას განცხადებით, ხვალიდან ამოქმედდება ცვლილება, რომლის მიხედვითაც, ოჯახის ექიმი მასთან რეგისტრირებული კოვიდპაციენტის ბინაზე მართვას უზრუნველყოფს

საქართველოს ჯანდაცვის მინისტრის მოადგილის, თამარ გაბუნიას განცხადებით, 1-ლი თებერვლიდან ამოქმედდება ცვლილება, რომლის მიხედვითაც, თითოეული ოჯახის ექიმი მასთან რეგისტრირებული კოვიდპაციენტის ბინაზე მართვას უზრუნველყოფს.

როგორც გაბუნიამ განაცხადა, მიუხედავად იმისა, რომ ონლაინ კლინიკების რიცხვი და ექიმების რაოდენობა გაიზარდა, უკეთესი იქნება პაციენტი ოჯახის ექიმს უკავშირდებოდეს.

„ბინაზე ძალიან ბევრი პაციენტი რჩება. ბოლო პერიოდში ონლაინ კლინიკების და ცენტრალურ ონლაინ კლინიკაში ექიმების რაოდენობა გავზარდეთ, თუმცა, უკეთესი იქნება პაციენტი თავის ოჯახის ექიმს უკავშირდებოდეს. უკვე 1-ლი თებერვლიდან ამოქმედდება ცვლილება, რაც დეკემბრის ბოლოს დაიგეგმა ოჯახის ექიმებთან კონსულტაციებზე, რომ ყველას შეუძლია პრიორიტეტულად და უპირატესად თავის ოჯახის ექიმს დაუკავშირდეს. ანუ მართვისთვის პაციენტის მიმაგრება მისივე ოჯახის ექმითან მოხდება, ეს ქსელი სრულად გაიშალა. დეკემბრის განმავლობაში ოჯახის ყველა ექიმმა ტრენინგი გაიარა და ყველა მზად არის იმისთვის, რომ თავისივე პაციენტი მართოს. ამდენად, უკვე ხვალიდან ოჯახის ყველა ექიმს შესაძლებლობა ექნება მასთან მიმაგრებულ პაციენტს გაუწიოს მეთვალყურეობა და მართოს ბინაზე ყოფნის პერიოდში. რიგ შემთხვევაში, ბუნებრივია, კვლავაც საჭირო იქნება პაციენტების გადამისამართება ჰოსპიტალში და აქ, უკვე ოჯახის ექიმი გადააბარებს პაციენტს ჰოსპიტალს“, - განაცხადა გაბუნიამ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა