თინა ბოკუჩავა - ევროპარლამენტის რეზოლუციაში რუსეთი ნახსენებია 79-ჯერ, არა ერთხელ, რასაც ჩვენ ვითხოვთ, არამედ 79-ჯერ

ევროპარლამენტის რეზოლუციაში რუსეთი 79-ჯერაა ნახსენები - ევროპარლამენტმა მოახერხა ის, რაც ამ პარლამენტმა უნდა მოახერხოს, შეიმუშავა ინტერფრაქციული ჯგუფი და სხვადასხვა პოლიტიკური ჯგუფი შეთანხმდა ამ ტექსტზე, - ასე მიმართა „ნაციონალური მოძრაობის“ წევრმა თინა ბოკუჩავამ საგარეო ურთიერთობათა კომიტეტის სხდომაზე „ქართული ოცნების“ წევრ გიორგი ხელაშვილს, რომელმაც დეპუტატებს უკრაინის მხარდამჭერი რეზოლუციის პროექტი წარუდგინა.

ბოკუჩავამ სიტყვით გამოსვლისას რეზოლუციის ინიციატორი ერთ-ერთი ევროპარლამენტარი დაასახელა და ხელაშვილს მასზე ჰკითხა, არის თუ არა რუსეთის ხსენების გამო ომის რიტორიკის ინიციატორი, რაშიც მმართველი გუნდი ოპოზიციას ადანაშაულებს.

„როდესაც რეზოლუციის ტექსტზე შეჯერების მცდელობა გვქონდა და ოპოზიციის ამოცანა სწორედ ეს იყო, რომ ერთობლივი ტექსტი შეემუშავებინა, საქართველოს პარლამენტის დღის წესრიგში დავაყენეთ ევროპარლამენტის რეზოლუცია, მისი შინაარსის განხილვა, პათოსის შენარჩუნება და გაზიარება საქართველოს პარლამენტის მიერ მიღებულ რეზოლუციაში. რამდენჯერ არის ევროპარლამენტის რეზოლუციის ტექსტში რუსეთი ნახსენები? თქვენ მიერ შემოთავაზებული ტექსტი მიჩენს საფუძვლიან ეჭვს, რომ ევროპარლამენტის რეზოლუციას არ გაეცანით, ამიტომ შემიძლია დაგეხმაროთ - ევროპარლამენტის რეზოლუციაში რუსეთი ნახსენებია 79-ჯერ. არა ერთხელ, რასაც ჩვენ ვითხოვთ, არამედ 79-ჯერ.

მათ შორის, ამ რეზოლუციას ჰყავს ინიციატორები თქვენი პოლიტიკური ჯგუფიდან. ევროპარლამენტმა მოახერხა ის, რაც ამ პარლამენტმა უნდა მოახერხოს - მან შეიმუშავა ინტერფრაქციული ჯგუფი და სხვადასხვა პოლიტიკური ჯგუფი შეთანხმდა ამ ტექსტზე, ინიციატორებს შორის არის თქვენი პოლიტიკური ჯგუფის არაერთი წარმომადგენელიც. ჩვენ რომ პროპაგანდისტულად, ყალბად და უღირსად ომის რიტორიკაში გვადანაშაულებთ მხოლოდ იმიტომ, რომ მტერს მტერი გვინდა ვუწოდოთ, აგრესორს - აგრესორი, ოკუპანტს - ოკუპანტი, მაინტერესებს, ბატონი სვენ მიქსერი, რომელიც თანაინიციატორია ევროპარლამენტის რეზოლუციის, სადაც რუსეთი 79-ჯერ არის ნახსენები, ომის რიტორიკის ინიციატორია? მიპასუხეთ კონკრეტულად, ან ერთხელ და სამუდამოდ თავი დაანებეთ ცილისმწამებლურ და ანტისახელმწიფოებრივ პროპაგანდას. კმარა, ამდენი სიცრუე, პოპულიზმი, ცილისწამება და ოპონენტებისგან მუდმივად მტრის ხატის შექმნა იმიტომ, რომ ახლა ჩვენი სახელმწიფოებრიობის გადარჩენის საკითხის წინაშე ვდგავართ და ამ ყალბი და მდაბიო პოლიტიკური თამაშების დრო უბრალოდ არ არის“,- განაცხადა თინა ბოკუჩავამ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა