„ნაციონალური მოძრაობის“ დეპუტატები პარლამენტში უკრაინისა და საქართველოს დროშებით მივიდნენ.
დროშები მათ სასესიო დარბაზის მაგიდებზე განათავსეს, რითაც უკრაინის სახელმწიფოს მიმართ საკუთარი მხარდაჭერა გამოხატეს.
დღევანდელი პლენარული სხდომის მთავარი საკითხი უკრაინასთან დაკავშირებით მმართველი პარტიის მიერ ინიცირებული რეზოლუციის პროექტის განხილვაა. აღნიშნულ პროექტს “ქართული ოცნების“ წარმომადგენლების გარდა, არც ერთი საპარლამენტო ჯგუფი ხელს არ აწერს. კრიტიკის მთავარი საფუძველია ის, რომ პროექტის არც ერთ პუნქტში რუსეთის ფედერაცია ნახსენები არ არის.
