ნინო წილოსანი ნუშისა და კაკლის მწარმოებელთა ასოციაციის წარმომადგენლებს შეხვდა

პარლამენტის აგრარულ საკითხთა კომიტეტის თავმჯდომარემ, ნინო წილოსანმა ნუშისა და კაკლის მწარმოებელთა ასოციაციის წარმომადგენლებთან შეხვედრა გამართა.

შეხვედრაზე დარგის წინაშე არსებულ გამოწვევებსა და პერსპექტივებზე ისაუბრეს. აღნიშნული ასოციაცია ფერმერთა ჯგუფის მიერ 2018 წელს შეიქმნა. ასოციაციაში გაერთიანებული არიან ნუშისა და კაკლის პირველადი მწარმოებლები, მებაღეები და ფერმერები, ასევე ნუშის და კაკლის გადამამუშავებელი მეწარმეები, პროდუქციის დილერები და ექსპორტიორები.

როგორც შეხვედრაზე აღინიშნა, ნუშის და კაკლის მოსავალი ქვეყანაში წლიდან წლამდე იზრდება. ასოციაციაში იმედოვნებენ, რომ 2022 წელს მოსავალი სულ მცირე, 2-ჯერ გაიზრდება, რაც გადამამუშავებელი მიმართულებით საქმიანობის გააქტიურების წინაპირობას წარმოადგენს. ასოციაციის წარმომადგენელთა განცხადებით, ორიენტირი ევროპულ ბაზარზე არის აღებული, მაგრამ, მათი თქმით, ამ ეტაპზე მნიშვნელოვანია, რომ ადგილობრივი ბაზრის დაკმაყოფილება მოხდეს სწორედ მაღალი ხარისხის ადგილობრივი პროდუქციით.

„დარგობრივ ასოციაციებთან შეხვედრა ყოველთვის სასარგებლოა. მნიშვნელოვანია, რომ ასოციაცია 800-მდე ფერმერს აერთიანებს. გავეცანით დარგში არსებულ გამოწვევებსა და პერსპექტივებს. დღეს ისინი ძირითადად ორიენტირებული არიან კაკლის იმპორტის ჩანაცვლებაზე, რაც საერთო ეკონომიკური განვითარების ჭრილში ქვეყნის ერთ-ერთი პრიორიტეტიც არის. ამავდროულად, მათ აქვთ ძალიან კარგი ზრდის პერსპექტივები და ვფიქრობ, რომ მათი საჭიროებების და გამოწვევების ჩვენს ყოველდღიურ პოლიტიკაში გათვალისწინება ჩემი, როგორც კომიტეტის თავმჯდომარის ერთ-ერთი ვალდებულებაცაა", - განაცხადა ნინო წილოსანმა შეხვედრის შემდეგ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024