სომხეთის პარლამენტმა ქვეყნის პრეზიდენტის პოსტზე ვაჰაგნ ხაჩატურიანის კანდიდატურა წარადგინა, - ინფორმაციას ადგილობრივი მედია ავრცელებს.
მათივე ცნობით, კანონმდებლობის თანახმად, პრეზიდენტის კანდიდატურის წარსადგენად პარლამენტის წევრების საერთო რაოდენობის მინიმუმ მეოთხედის მხარდაჭერაა საჭირო.
გავრცელებული ინფორმაციით, პარლამენტი პრეზიდენტის არჩევის მიზნით კენჭისყრას მარტში გამართავს.
ცნობისათვის, ვაჰაგნ ხაჩატურიანს 2021 წლის აგვისტოდან მაღალტექნოლოგიური მრეწველობის მინისტრის თანამდებობა უკავია. სომხეთის ყოფილი პრეზიდენტი, არმენ სარქისიანი გასულ თვეში გადადგა.