პარლამენტის საგარეო ურთიერთობათა კომიტეტის თავმჯდომარე ევროკავშირს მიმართავს, ტერმინი „სამხრეთ ოსეთი“ ოფიციალური გამოყენებიდან ამოიღოს

პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე ევროკავშირს მიმართავს, ტერმინი „სამხრეთ ოსეთი“ ოფიციალური გამოყენებიდან ამოიღოს.

ამის შესახებ სამხარაძემ საკანონმდებლო ორგანოში ევროპასთან ინტეგრაციისა და საგარეო ურთიერთობათა კომიტეტების გაერთიანებულ სხდომაზე განაცხადა, სადაც საქართველოს საკითხზე ევროპარლამენტის მომხსენებელს სვენ მიქსერს უსმენენ.

როგორც სამხარაძემ განმარტა, ტერმინი „სამხრეთ ოსეთი“ სტალინის მიერ 1922 წელს შეიქმნა და მას საქართველოს კონსტიტუცია არ ცნობს.

„თქვენ და დასავლეთი ებრძვით სტალინისტურ გამოვლინებებს. ამის საწინააღმდეგოდ, თქვენ იყენებთ ტერმინს „სამხრეთ ოსეთს“ ყველა თქვენს დოკუმენტში, რომელიც ასევე სტალინისტური ტერმინია და 1922 წელს შეიქმნა. მანამდე ის არ არსებობდა. „სამხრეთ ოსეთს“, ასეთ წარმონაქმნს საქართველოს კონსტიტუცია არ იცნობს. ამიტომ ჩემი თხოვნაა, მოწოდებაა, რომ ვიმსჯელოთ ერთად როგორ შეიძლება ამოვიღოთ ეს ტერმინი საერთოდ თქვენი ოფიციალური დოკუმენტებიდან. არ არის სასიამოვნო ევროკავშირი ან თუნდაც ნებისმიერი სხვა ჩვენი სახელმწიფო სტალინის დროინდელ დასახელებას იყენებდეს. თუ ჩვენგან ოფიციალური მომართვაა საჭირო ამას გავაკეთებთ“, - განაცხადა ნიკოლოზ სამხარაძემ.

აღნიშნულთან დაკავშირებით სვენ მიქსერმა განაცხადა, რომ ამ საკითხს ჩაინიშნავენ. "ეს უნდა ჩავინიშნოთ და გავითვალისწინოთ მომავალში, როდესაც ევროპულ დოკუმენტებს შევიმუშავებთ“, - განაცხადა სვენ მიქსერმა.

ლევან  შენგელია - ხელისუფლების თამაში ევროსტრუქტურებთან უაღრესად საშიში თამაშია და შეიძლება საქართველოსთვის საბედისწეროდ დამთავრდეს
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
ქართული პრესის მიმოხილვა 04.03.2024
„ფარმადეპოში“ გაზაფხულის ფასდაკლებები დაიწყო