სვენ მიქსერი - ევროკავშირის მონიტორინგის სამსახურმა უნდა შეძლოს მისი მანდატის სრულად შესრულება, ეს ძალიან მნიშვნელოვანია, რათა მათ ჰქონდეთ წვდომა ოკუპირებულ ტერიტორიებზე

მონიტორინგის სამსახური არის ერთ-ერთი დამადასტურებელი იმისა, თუ რამდენად უჭერს მხარს ევროკავშირი საქართველოს ტერიტორიულ მთლიანობას, - ამის შესახებ საქართველოს საკითხზე ევროპარლამენტის მომხსენებელმა სვენ მიქსერმა პარლამენტში, ევროპასთან ინტეგრაციისა და საგარეო ურთიერთობათა კომიტეტების გაერთიანებულ სხდომაზე განაცხადა.

როგორც სვენ მიქსერმა აღნიშნა, ევროკავშირის სადამკვირვებლო მისიამ უნდა შეძლოს მისი მანდატის სრულად შესრულება, რაც ძალიან მნიშვნელოვანია, რათა მათ ჰქონდეთ წვდომა ოკუპირებულ ტერიტორიებზე, თუმცა, მისივე შეფასებით, ეს უფრო და უფრო რთულდება ბორდერიზაციის და ანექსირებასთან დაკავშირებულ პრობლემებთან მიმართებაში.

„რომ დავუბრუნდეთ ოკუპაციის საკითხებს, მონიტორინგის სამსახური არის ერთ-ერთი დამადასტურებელი იმისა, თუ რამდენად უჭერს მხარს ევროკავშირი საქართველოს ტერიტორიულ მთლიანობას. მესმის, რომ ძალიან რთული სიტუაციაა ოკუპირებულ ტერიტორიებზე და ანექსიის თუ ბორდერიზაციის კუთხით. ევროკავშირის მონიტორინგის სამსახურმა უნდა შეძლოს მისი მანდატის სრულად შესრულება, ეს ძალიან მნიშვნელოვანია, რათა მათ ჰქონდეთ წვდომა ოკუპირებულ ტერიტორიებზე, თუმცა, ეს უფრო და უფრო რთულდება სწორედ ბორდერიზაციის და ანექსირებასთან დაკავშირებულ პრობლემებთან მიმართებაში. ეს ართულებს ადეკვატური ინფორმაციის მიღებასაც, მაგრამ ვცდილობთ ძალიან ცხადად გამოვხატოთ ჩვენი დამოკიდებულებები ამ საკითხებთან დაკავშირებით. უსაფრთხოება იქნება ანგარიშის ერთ-ერთი ნაწილი და ევროკავშირის სხვადასხვა დოკუმენტებში იქნება ეს გათვალისწინებული“, - განაცხადა მიქსერმა.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე