გია ვოლსკი - ლონდა თოლორაიას გააფთრებული შეტევა მიანიშნებს, რომ ეს ადამიანი ჩამოყალიბდა როგორც გარკვეული პოლიტიკური პლატფორმის შემადგენელი ნაწილი

ველოდი, რომ ლონდა თოლორაია თავის კანდიდატურას დააყენებდა ერთ- ერთ პოსტზე, ამის ნაცვლად მისი გააფთრებული შეტევა მიანიშნებს, რომ ეს ადამიანი ჩამოყალიბდა როგორც გარკვეული პოლიტიკური პლატფორმის შემადგენელი ნაწილი,- ამის შესახებ პარლამენტის პირველმა ვიცე- სპიკერმა გია ვოლსკიმ განაცხადა, რითაც გამოეხმაურა ლონდა თოლორაიას მიერ საკონსტიტუციო სასამართლოში სახელმწიფო ინსპექტორის სამსახურის გაუქმების თაობაზე სარჩელის შეტანას.

ვოლსკის თქმით, სახელმწიფო ინსპექტორის სამსახურის გაუქმებასა და მის ნაცვლად ორი უწყების ჩამოყალიბებაში არაკონსტიტუციურს ვერაფერს ხედავს.

„ქალბატონი ლონდა არის ჩამოყალიბებული კონკრეტული პოლიტიკური პლატფორმის ერთ-ერთი წარმომადგენელი თავის გააფთრებული შეტევით ამ სამსახურის გაუქმების თაობაზე მიღებულ გადაწყვეტილებაზე. თუმცა, ეს გადაწყვეტილება არც სამართლებრივად, არც კონსტიტუციურად და არც პოლიტიკურად არ არის რაიმე ხინჯის მქონე. რა ჰქვია იმ პოლიტიკურ პლატფორმას, სადანაც პოლიტიკურ განცხადებებს აკეთებს, პარტია "საქართველოსთვის", "ნაციონალური მოძრაობა", "ლელო" თუ ყველა ერთად და კოალიცია, რომელიც არსებობს, ამასთან დაკავშირებით ვერაფერს გეტყვით. თუმცა, ფაქტია, მისი განცხადებები აშკარად პოლიტიკურ ხასიათს ატარებს", - განაცხადა ვოლსკიმ.

შეგახსენებთ, ლონდა თოლორაიამ პარლამენტის მიერ მიღებულ გადაწყვეტილებასთან დაკავშირებით, საკონსტიტიციო სასამართლოს სარჩელით მიმართა. პარლამენტის გადაწყვეტილებით, სახელმწიფო ინსპექტორის სამსახური უქმდება და მის ნაცვლად ორი უწყება - სპეციალური საგამოძიებო სამსახურისა და პერსონალურ მონაცემთა დაცვის სამსახური იქმნება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი