ბაჩო დოლიძე - შუალედური არჩევნებია რუსთავში ჩანიშნული და ისეა „ოცნება“ მობილიზებული, დავით კირკიტაძეზე სისხლის სამართლის საქმე აღძრეს მისსავე ოფისში მიყვანილ „ზონდერ" ჯგუფებთან შელაპარაკების გამო

წალენჯიხაში და ჩხოროწყუში „ქართულ ოცნებას“ ფულის მოპარვის საშუალება არ აქვს, ამაზე მთელი ცენტრალური ხელისუფლება წუხს, - ამის შესახებ „ნაციონალური მოძრაობის“ წევრმა, ბაჩო დოლიძემ „პალიტრანიუსის“ გადაცემაში „360 გრადუსი“ განაცხადა.

„მხოლოდ 5 მუნიციპალიტეტში შეძლო ოპოზიციამ ის, რომ პოლიტიკური თანამდებობების გარეშე დატოვა „ქართული ოცნება“. ყველაფერს აკეთებდნენ იმისთვის, რომ ეს არ მომხდარიყო - ამის მაგალითია ბათუმი, სადაც ფუტკარაძე სიკვდილამდე მიიყვანეს.

ისინი დაპირებული იყვნენ კონკრეტულ ადამიანებთან, რომლებმაც წინასაარჩევნოდ ყველაფერი იკადრეს. მათ უთხრეს, მოიგებთ არჩევნებს, განკარგეთ ბიუჯეტი, კაციშვილი მომკითხავი არ გეყოლებათ. რეალურად მოხდა ისე, რომ ეს ხალხი ყველა თანამდებობის გარეშე დარჩა ამ კონკრეტულ მუნიციპალიტეტებში. შუალედური არჩევნები არის ახლა რუსთავში ჩანიშნული და ისე არიან მობილიზებული, რომ ჩვენს კოლეგა დავით კირკიტაძეზე სისხლის სამართლის საქმე აღძრეს მისსავე ოფისში მიყვანილ "ზონდერ" ჯგუფებთან შელაპარაკების გამო.

ასევე მნიშვნელოვანია ჩვენი დეპუტატების მუშაობა საგამოძიებო კომისიაში. ასევე მნიშვნელოვანი იქნება ჩვენი პარტიის მუშაობა როგორც თბილისში, ისე რეგიონებში. არ აქვს მნიშვნელობა, სააკაშვილი იქნება, ზურაბიშვილი თუ მარგველაშვილი, ჩვენ პოლიტიკური მართლმსაჯულების პრეცედენტს ვქმნით. ეს არის ამ ქვეყანაში ყველაზე დიდი პრობლემა. იქამდე, სანამ ეს ყველაფერი „ქართულ ოცნებას“ გასდის, ამ ქვეყანაში წესრიგი და მშვიდობა ვერ იქნება. მით უმეტეს იმ ფონზე, როდესაც გვყავს ხელისუფლება, რომელიც აბსოლუტურად არაფერს აკეთებს“, - განაცხადა დოლიძემ.

მან ასევე „ნაციონალურ მოძრაობასა“ და გიორგი გახარიას პარტიას შორის წალენჯიხის, ჩხოროწყუსა და რუსთავის საკრებულოებში მიღწეულ შეთანხმებაზეც ისაუბრა.

„პარტია, რომელთანაც ჩვენ აბსოლუტურად არაფერი გვაქვს საერთო - გვაქვს განსხვავებული პოლიტიკური შეხედულება და სხვა პლატფორმებზე ვდგავართ, მაგრამ ამ კონკრეტულ შემთხვევაში, სადაც საჭიროა, ცივილურად მოხდა მოსახლეობის ნების აღსრულება, რაც ნიშნავდა იმას, რომ ხალხმა მხარი დაუჭირა ოპოზიციას. ჩვენ ეს დაკვეთა შევასრულეთ. მიუხედავად ტერორისა და დაშინებისა, ხალხმა თუ გადაწყვიტა, რომ „ქართული ოცნება“ ყოფილიყო თანამდებობის გარეთ, იქ აღმოჩნდა თანამდებობის გარეთ. მე ეს კომპლექსი საერთოდ არ მაქვს და რაც არ უნდა იძახოს კობახიძემ, მდინარაძემ, ჩემთვის ამას აზრი არ აქვს. ჩვენ არ მივეცით „ქართულ ოცნებას“ იმის საშუალება, რომ ხალხის ფული მოეპარათ და მეორე - ჩვენ გვეძლევა საშუალება წარმოვაჩინოთ, თუ როგორ კეთდება საქმე. ეს სამაგალითო მუნიციპალიტეტები იქნება, თუ როგორ კეთდება საქმე - ეს შიში უფრო ამოძრავებს „ქართულ ოცნებას“, რომ მათი არაფრის კეთება მთელ საქართველოში შესადარებელი იქნება თუნდაც რამდენიმე სოფელთან, სადაც, მიუხედავად ბიუროკრატიისა, მაინც ბევრს გააკეთებენ ჩვენი და სხვა ოპოზიური პარტიები. ეს უნდა იყოს თანაცხოვრების მაგალითი. როდესაც, პირობითად, წალენჯიხაში სანიაღვრე გაქვს გასაყვანი და ასფალტი დასაგები და იმის გამო ვერ აკეთებ, თითქოს „იქ გახარიას პარტიის წარმომადგენელია და მე აქ ხელს არ მოვაწერ“, შესაბამისად ეს პრობლემა არ მოგიგვარდება, არამგონია, რომ ვინმემ ნორმალურად ჩაგთვალოთ. საერთოდ არავის აინტერესებს რეგიონებში ეს საკითხი - ამ ხალხს უნდა, რომ ამ სიღატაკიდან გამოვიდეს და ელემენტარული პრობლემები მოუგვარდეს“, - აღნიშნა ბაჩო დოლიძემ.

ამირან გამყრელიძე - თანამდებობის დატოვებას ვფიქრობდი, თუმცა ორი-სამი წლის შემდეგ, როცა ბოლომდე მივიყვანდი ორ დიდ ეროვნულ პროექტს, მაგრამ „კაცი ბჭობდა და ღმერთი იცინოდაო“
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
ქართული პრესის მიმოხილვა 22.09.2022
თანამედროვე უსაფრთხოების დილემა: ქართული მრავალწახნაგა
Hallo - პირველი ვირტუალური მობილური ოპერატორი საქართველოში
Hotsale.ge-მ ვებგვერდზე განთავსებულ კვების ობიექტებში ჰიგიენურ-სანიტარული ნორმების მონიტორინგი დაიწყო
iPhone 14 უკვე ელიტ ელექტრონიქსში
ბაზისბანკის და ინტელექტ-კლუბ რა? სად? როდის? 10-წლიანი პარტნიორობა გრძელდება
საერთაშორისო სამეცნიერო კონფერენცია - "ონკოლოგია და ბირთვული მედიცინა" გაიმართა
კარფური და მასტერქარდი „ერთად ბავშვებისთვის“