თსუ დაარსებიდან 104-ე წლისთავს ეპიდვითარების შესაბამისი ფორმატით აღნიშნავს

ივანე ჯავახიშვილის სახელობის თბილისის სახელმწიფო უნივერსიტეტი დაარსებიდან 104-ე წლისთავს ეპიდვითარების შესაბამისი ფორმატით აღნიშნავს.

თსუ-ს ინფორმაციით, უნივერსიტეტის ფოიეში მოეწყობა უნივერსიტეტის ისტორიის ამსახველი ფოტოგამოფენა. ექსპოზიციაში განთავსდება საზოგადოებისთვის ნაკლებად ცნობილი ფოტოები, რომელიც ასახავს საქართველოში პირველი ეროვნული უნივერსიტეტის დაარსებისა და შედგომი განვითარების საინტერესო ინფორმაციას.

„უნივერსიტეტის დაარსების დღესთან დაკავშირებით, თსუ განაახლებს არქეოლოგიის მუზეუმის საგამოფენო დარბაზს. მნახველისთვის გამოიფინება ფონდებში დაცული ექსპონატები, ლაბორატორიულად დამუშავებული და კონსერვირებული არქეოლოგიური მასალა, ასევე, თსუ-ს სტუდენტებისა და პროფესორ-მასწავლებელთა მიერ ბოლოდროინდელ არქეოლოგიულ ექსპედიციებში აღმოჩენილი არტეფაქტები.

ონლაინ სივრცეში იქნება წარმოდგენილი უნივერსიტეტის 104-ე წლისთავისათვის თსუ-ს ბიბლიოთეკის თაოსნობით გამოცემული ორი ახალი წიგნი: „ევროპელი სოციალისტების ვიზიტი საქართველოში“( II ტომი) და აკაკი ჩხენკელის დღიურები - წიგნი პირველი (1918-1921).

წიგნი „ევროპელი სოციალისტების ვიზიტი საქართველოში“ ორი ტომისგან შედგება და ასახავს 1920 წელს ევროპელი სოციალ-დემოკრატების და მუშათა მოძრაობის ლიდერების ჩამოსვლას საქართველოში. პირველი ტომი ევროპელი დელეგატების ვიზიტს ეხება. მეორე ტომში წარმოდგენილია დელეგატების მიერ საქართველოს შესახებ ევროპულ პრესაში გამოქვეყნებული სტატიები, რომელიც ემილ ვანდერველდეს ინსტიტუტის დახმარებით გადმოეცა უნივერსიტეტს.

ასევე ონლაინ სივრცეში განთავსდება წიგნი „აკაკი ჩხენკელის დღიურები,“ რომლის პირველ წიგნში წარმოდგენილია ცნობილი ქართველი პოლიტიკოსის, დიპლომატის, საქართველოს სოციალ-დემოკრატიული პარტიის ერთ-ერთი მთავარი ფიგურის აკაკი ჩხენკელის მემორიალური მემკვიდრეობის 2 რვეული. ამ ნაწილში აღწერილია 1918 წლის შემოდგომიდან საქართველოს დემოკრატიული რესპუბლიკის ოკუპაციამდე. ყოველდღიური და პოლიტიკური მოვლენები. მეტი სიცხადისათვის დღიურს თან ერთვის კომენტარები, რაც მკითხველს გაუადვილებს პოლიტიკური პროცესების კვალდაკვალ მისთვის უცნობი პიროვნებებისა თუ მოვლენების აღქმას.

წიგნებთან ერთად ონლაინ სივრცეში განთავსდება ევროპელი სოციალისტების დელეგაციის ვიზიტის ამსახველი ფოტოები და ფოტო-გამოფენა აკაკი და კიტა ჩხენკელების პირადი არქივიდან, რომელიც თბილისის სახელმწიფო უნივერსიტეტის ბიბლიოთეკაში ინახება და რექტორის, გიორგი შარვაშიძის ინიციატივით გადმოეცა უნივერსიტეტს.

თსუ-ში გამოფენებზე დაცული იქნება კორონავირუსთან დაკავშირებული ყველა რეკომენდაცია“, - ნათქვამია ინფორმაციაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე