ე.წ. საგარეო უწყება - იმედი გვაქვს, ბელარუსი მხარს დაუჭერს აფხაზი ხალხის კურსს, რომელიც მიმართულია თავისუფალი, დამოუკიდებელი სახელმწიფოს ჩამოყალიბებისაკენ და მაგალითს რუსეთისგან აიღებს

ოკუპირებული აფხაზეთის ე.წ. საგარეო უწყება საქართველოს ოკუპირებული ტერიტორიების აღიარების შესახებ ბელარუსის პრეზიდენტის, ალექსანდრე ლუკაშენკოს განცხადებას დადებითად აფასებს.

„აფხაზეთის რესპუბლიკა დადებითად აფასებს ბელარუსის ლიდერის განცხადებას აფხაზეთის სახელმწიფოს სუვერენიტეტის აღიარების შესაძლებლობის შესახებ. აფხაზეთი ღიაა დიალოგისთვის რუსეთისადმი მეგობრულად განწყობილ სახელმწიფოებთან, რომლებიც იზიარებენ აფხაზეთის ხალხის სამართლიან მისწრაფებებს", - ნათქვამია ე.წ. სამინისტროს განცხადებაში.

დე ფაქტო უწყების განმარტებით, იმედი აქვთ, რომ აფხაზეთი აღიარებასთან დაკავშირებით ბელარუსი მაგალითს სტრატეგიული მოკავშირისგან, რუსეთისგან აიღებს.

„გამოვთქვამთ იმედს, რომ ბელარუსის რესპუბლიკა, რომელიც იზიარებს ძირითად საერთაშორისო სამართლებრივ პრინციპებს, მათ შორის ხალხთა თანასწორობისა და თვითგამორკვევის პრინციპს, მხარს დაუჭერს აფხაზეთის ხალხის მიერ არჩეულ კურსს, რომელიც მიმართულია თავისუფალი, დამოუკიდებელი სახელმწიფოს ჩამოყალიბებისაკენ და მაგალითს სტრატეგიული მოკავშირისგან, რუსეთის ფედერაციისგან აიღებს“, - ნათქვამია „სამინისტროს“ განცხადებაში.

მათი თქმით, აფხაზეთი დაინტერესებულია ბელარუსთან ოფიციალური კონტაქტების დამყარებით.

შეგახსენებთ, ბელარუსის პრეზიდენტმა ალექსანდრე ლუკაშენკომ ვლადიმერ სოლოვიოვთან ინტერვიუში, როდესაც უპასუხა შეკითხვას, როდის მოხდება აფხაზეთისა და ე.წ. „სამხრეთ ოსეთის“ აღიარება, განაცხადა: „არის ამაში რაიმე აუცილებლობა? როგორც კი გავიგებ და [რუსეთის ფედერაციის] პრეზიდენტი მეტყვის, რომ ამის საჭიროება არსებობს...“.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა