კარლ ჰარცელი - 19 აპრილის შეთანხმება წარმოადგენს გზამკვლევს დემოკრატიის გასაღრმავებლად - ეს არის ერთ-ერთი საიმედო გზა და თუ არჩევანი მასზე არ გაკეთდება, მაშინ ისმის კითხვა, რომელი გზაა?

19 აპრილის შეთანხმება ჯერ კიდევ წარმოადგენს გზამკვლევს დემოკრატიის გასაღრმავებლად და საქართველოს ევროინტეგრაციისკენ გზაზე პროგრესის მისაღწევად. არ ვიტყვი, რომ ეს არის ამის ერთადერთი გზა, თუმცა ეს არის ერთ-ერთი საიმედო ასეთი გზა, - ამის შესახებ საქართველოში ევროკავშირის ელჩმა კარლ ჰარცელმა განაცხადა.

აღნიშნული განცხადება კარლ ჰარცელმა ოთხი არასამთავრობო ორგანიზაციის მიერ შარლ მიშელის სახელით ცნობილი დოკუმენტის „მომავლის გზა საქართველოსთვის“ პირობების შესრულების მონიტორინგის შედეგების წარადგენამდე გააკეთა.

„გვქონდა განხილვა 19 აპრილის შეთანხმებასთან დაკავშირებით. იმისდა მიუხედავად, რომ გარკვეული დრო გავიდა 2021 წლის 19 აპრილის შემდეგ, ეს განხილვა მნიშვნელოვნად და შესაფერისად მიმაჩნია არა მხოლოდ იმის შესაფასებლად, რა საკითხები მოგვარდა, არამედ იმ საკითხების განსახილველადაც, რაც მომავალში უნდა განხორციელდეს. განვიხილეთ, რა შემდგომი ნაბიჯები უნდა გადაიდგას ამ შეთანხმების სულისკვეთების შესაბამისად იმ მდგომარეობის გათვალისწინებით, რომ საქართველოს ბევრ მეგობარს ევროპაში აინტერესებს, საიდ მიემართება საქართველო. მსურს ვთქვა, რომ 19 აპრილის შეთანხმება ჯერ კიდევ წარმოადგენს გზამკვლევს დემოკრატიის გასაღრმავებლად და საქართველოს ევროინტეგრაციისკენ გზაზე პროგრესის მისაღწევად. არ ვიტყვი, რომ ეს არის ამის ერთადერთი გზა, თუმცა ეს არის ერთ-ერთი საიმედო ასეთი გზა და თუ არჩევანი მასზე არ გაკეთდება, მაშინ ისმის კითხვა, „რომელი გზაა?“- აღნიშნა ელჩმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი