ბრიუსელში სამუშაო ვიზიტით მყოფი „ლელოს" დელეგაციის ერთ-ერთი ლიდერი და საერთაშორისო მდივანი გრიგოლ გეგელია ევროპარლამენტარების მიერ უკრაინის მხარდამჭერ აქციას შეუერთდა.
„ლელოს“ ინფორმაციით, მან უკრაინის და ევროპის სხვა ქვეყნების დროშებთან ერთად საქართველოს დროშა გაშალა.
მათივე ცნობით, აქციას საქართველოსადმი მეგობრულად განწყობილი ცნობილი ევროპარლამენტარები ვიოლა ფონ კრამონი, ანდრიუს კუბილიუსი და სხვა დეპუტატები ესწრებოდნენ.