მაკა ბულეიშვილის ინფორმაციით, სამედიცინო პერსონალისთვის იზოლაციის ვადა 5 დღემდე შემცირდა

ჯანდაცვის ექსპერტის, მაკა ბულეიშვილის ინფორმაციით, სამედიცინო პერსონალისთვის იზოლაციის ვადა 5 დღემდე შემცირდა.

როგორც მან „მედიაცენტრ მთავარში“ განაცხადა, პაციენტებში ინფიცირების მე-5 დღიდან იწყება ჯანმრთელობის მდგომარეობის გაუმჯობესება.

„ვიცით, რომ სამედიცინო პერსონალისთვის საიზოლაციო ვადა შემცირდა, 5 დღე გახდა. მოგეხსენებათ, ეს ძალიან მნიშვნელოვანი საკითხია. ყველაზე მეტი გამოწვევის წინაშეა სამედიცინო პერსონალი. არ უნდა შეიქმნას კლინიკებში მედპერსონალის დეფიციტი, განსაკუთრებით პირველადი ჯანდაცვის რგოლის ექიმების შემთხვევაში. ცხადია, თუ 5 დღის შემდეგ სამედიცინო პერსონალის ჯანმრთელობის მდგომარეობა დამაკმაყოფილებელი არ იქნება, რა თქმა უნდა, პაციენტს ვერ მოემსახურება.

რაც კლინიკურად ვნახეთ, პრაქტიკულად ამ 1 თვის განმავლობაში, ძალიან ბევრთან 5-6 დღიდან ხდებოდა პროცესის უკან დახევა. ადამიანის ზოგადი მდგომარეობა უმჯობესდებოდა. ამიტომ იქნა მიღებული გადაწყვეტილება, რომ ეს ვადები შემცირდეს, განსაკუთრებით მედპერსონალთან. არც ის ფაქტია გამორიცხული, რომ ვერ მოხდეს 5 დღის ვადაში ადამიანის ჯანმრთელობის მდგომარეობის გაუმჯობესება. ეს დამოკიდებულია იმაზე, თუ როგორ მიმდინარეობს დაავადება“,- აღნიშნავს ჯანდაცვის ექსპერტი.

მან კორონავირუსით გარდაცვალების შემთხვევებზეც ისაუბრა და განმარტა, რომ ძირითადად გარდაცვალების მიზეზი დაგვიანებული ჰოსპიტალიზაციაა.

„ძირითადად, გარდაცვალების მიზეზი მაინც არის ან დაგვიანებული ჰოსპიტალიზაცია ან არის შემთხვევა, როდესაც პაციენტს აქვს ფონური, ქრონიკული დაავადებები. ადამიანების გარკვეულ კატეგორია უარს აცხადებს ჰოსპიტალურ მკურნალობაზე“, - აღნიშნავს მაკა ბულეიშვილი.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი