ადამიანის უფლებათა დაცვისა და სამოქალაქო ინტეგრაციის კომიტეტი 11 თებერვალს პერსონალურ მონაცემთა დაცვის სამსახურის უფროსის პოსტზე წარდგენილ კანდიდატებს მოუსმენს
პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი პერსონალურ მონაცემთა დაცვის სამსახურის უფროსის პოსტზე ასარჩევად წარდგენილ კანდიდატებს მოუსმენს.
აღნიშნულ თანამდებობაზე პრემიერ-მინისტრმა პარლამენტს ლელა ჯანაშვილისა და თამარ ალფაიძის კანდიდატურები შესთავაზა. მათთან გასაუბრება კომიტეტის ფარლებში 11 თებერვალს გაიმართება.
პერსონალურ მონაცემთა დაცვის სამსახურის უფროსს პარლამენტი სრული შემადგენლობის უმრავლესობით ირჩევს. პერსონალურ მონაცემთა დაცვის სამსახურის უფროსის უფლებამოსილების ვადა 6 წელია.
პერსონალურ მონაცემთა დაცვის სამსახური სახელმწიფო ინსპექტორის სამსახურის გაუქმების შედეგად შეიქმნა. ამასთან, ცალკე სახელმწიფო ორგანოდ ჩამოყალიბდა სპეციალური საგამოძიებო სამსახური.
