ხათუნა სამნიძე ეროვნული თანხმობის პროცესზე - იმედი მაქვს, მომავალში მიმდინარე პროცესებზეც და პოლარიზების დღევანდელ მიზეზებზეც შევძლებთ ვილაპარაკოთ

„რესპუბლიკური პარტიის“ თავმჯდომარის, ხათუნა სამნიძის განცხადებით, საქართველოს პრეზიდენტთან, სალომე ზურაბიშვილთან შეხვედრისას მან უმცირესობების უფლებებზე და თანასწორობაზე, ასევე სეკულარიზმზე ისაუბრა.

ამის შესახებ სამნიძემ ჟურნალისტებს შეხვედრის დასრულების შემდეგ განუცხადა.

როგორც მან აღნიშნა, დღეს მიმდინარე პროცესებზე და პრობლემებზეც საფუძვლიანი მსჯელობაა საჭირო და მიიღეს დაპირება, რომ კონკრეტული მსჯელობებისთვის ჯგუფები შეიქმნება.

„მიუხედავად იმისა, რომ საზოგადოება სკეპტიკურადაა განწყობილი, ვფიქრობ, ამ პროცესში ჩართვა არის მნიშვნელოვანი. დღეს ძირითადად აქცენტები წარსულის გადახედვაზე გაკეთდა, მაგრამ ეს მიმდინარე პროცესია და აზრები გავცვალეთ, თუ რაზე შეიძლება იყოს დისკუსია მომავალში და როგორ ჯგუფებში. შემდეგი შეხვედრები უფრო კონკრეტული ხასიათის იქნება და კონკრეტულ საკითხებზე მსჯელობა გაიმართება. ამ შეხვედრაზე მიმდინარე საკითხებზეც ვისაუბრეთ და ჩავთვალეთ, რომ რადგან წარსულზე ვლაპარაკობთ და გვინდა მომავალში საზოგადოება ასეთი დაპირისპირებული არ იყოს, დღეს მიმდინარე პროცესებზე და პრობლემებზეც არის საფუძვლიანი მსჯელობა საჭირო, რაზეც დაგვეთანხმნენ და იმედი მაქვს, მომავალში, კონკრეტული მსჯელობებისთვის ჯგუფები როდესაც შეიქმნება, მიმდინარე პროცესებზეც და პოლარიზების დღევანდელ მიზეზებზეც შევძლებთ ვილაპარაკოთ. შემდეგ შეხვედრებზე არ იქნებიან მხოლოდ ქალები, იქნება თემატიკების მიხედვით. ეს არის მიმდინარე პროცესი, სატესტო რეჟიმი.

დაისვა მართლმსაჯულების საკითხი, მე, ჩემი მხრივ ვახსენე, რომ აუცილებელია უმცირესობების უფლებებზე და თანასწორობაზეც ვისაუბროთ და ასევე სეკულარიზმზე, რომელიც ჩვენი კონსტიტუციით გარანტირებულია, მაგრამ ამ მიმართულებითაც სერიოზული პრობლემებია ქვეყანაში. ეს იყო ორი საკითხი, რომელზეც ყურადღება გავამახვილე. დამშვიდობებისაც ქალბატონ პრეზიდენტს გავუზიარე ჩემი მოსაზრება, რომ მხოლოდ წარსულზე საუბარი არ იქნება საკმარისი, თუ დღევანდელ პრობლემებზეც არ ვისაუბრებთ. ჩემი მხრიდან მიხეილ სააკაშვილზე საუბარი არ ყოფილა“, - განაცხადა სამნიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024