ირაკლი კობახიძე - არც მოთხოვნა და არც თხოვნა უკრაინის მხრიდან სააკაშვილის გადაცემასთან დაკავშირებით არ გაჟღერებულა და ალბათ, არც იქნება, რადგან სააკაშვილი თავის ტკივილია უკრაინელებისთვისაც

სააკაშვილის ჩამოსვლის დღიდან დღემდე, არც ერთი - არც მოთხოვნა და არც თხოვნა უკრაინის მხრიდან არ გაჟღერებულა, სააკაშვილის გადაცემასთან დაკავშირებით და ალბათ, არც იქნება იმის გამო, რომ სააკაშვილი თავის ტკივილია უკრაინელებისთვისაც,- ამის შესახებ „ქართლი ოცნების“ თავმჯდომარემ ირაკლი კობახიძემ „პალიტრანიუსის გადაცემა „თავისუფალ სტუდია“ განაცხადა.

როგორც კობახიძემ აღნიშნა, მიუხედავად იმისა, რომ უკრაინელებისთვის ის იმხელა თავის ტკივილი არ არის, რადგან არ აქვს შესაბამისი რესურსი, მის მიმართ კიევი ინტერესს მაინც არ ამჟღავნებს.

„სააკაშვილი თავის ტკივილია უკრაინელებისთვის, რა თქმა უნდა, ნაკლები, რადგან იქ იმდენი რესურსი არ აქვს - აქ არის ოპოზიციის ბელადი და იქ არ არის ოპოზიციის ბელადი, მაგრამ მაინც მათთვისაც არის თავის ტკივილი. აქედან გამომდინარე, არანაირი ინტერესიც კი არ ჩანს უკრაინის მხარეს, რომ მათ გვთხოვონ ჩვენ სააკაშვილის გადაცემა“, - განაცხადა კობახიძემ.

ამასთანავე, როგორც მმართველი პარტიის თავმჯდომარემ აღნიშნა, ქვეყანაში ვითარება დამშვიდდა, პოლარიზაციის ხარისხი კი შემცირდა და ეს მათ შორის, მიხეილ სააკაშვილის დაპატიმრების ფაქტორით არის განპირობებული.

„იმ პირობებში, როდესაც ჩვენ გვაქვს მოგებული თვითმმართველობის არჩევნები, ჩვენ გავიმყარეთ ლეგიტიმაცია, რომელიც ისედაც გვქონდა, მაგრამ ვაჩვენეთ კიდევ ერთხელ, რომ ჩვენს მხარეს არის ხალხის მანდატი და ხალხის მხარდაჭერა. ოპოზიცია არის პარლამენტში, თუმცა რომც არ იყოს, ამას აღარც აქვს არსებითი მნიშვნელობა, ოპოზიცია გახდა იძულებული, შემოსულიყო პარლამენტში და ჩვენ გადავლახეთ ვირტუალური 43%-იანი ბარიერი. ამასთან, სააკაშვილი, რომელიც მუდმივად ჯერ იმ 9 წლის განმავლობაში, როდესაც იყო ხელისუფლების სათავეში და მერე 9 წლის განმავლობაში, როდესაც კიევიდან ლიდერობდა ოპოზიციას, იყო მუდმივი წყარო პოლარიზაციის და დესტრუქციის, არის ციხეში - დამშვიდდა ქვეყანა.

დღეს პოლიტიკური ვითარება არის ბევრად უფრო მშვიდი და ნაკლებად დაძაბული, ვიდრე იყო თუნდაც ამ რამდენიმე თვის წინ და თუნდაც ერთი წლის წინ. ამ სიმშვიდის მიზეზი არის რამდენიმე და მათ შორის, მნიშვნელოვანი ფაქტორი არის ის, რომ სააკაშვილი არის ციხეში და მას რესურსი, ბუნებრივია, აკლდება, სხვადასხვა რესურსზე არის საუბარი, რადგან ის, მათ შორის, იყო „შავი ფულის“ წყარო. სააკაშვილის პატიმრობა ხელს უწყობს პოლარიზაციის ხარისხის შემცირებას“, - განაცხადა კობახიძემ.

მისივე თქმით, სააკაშვილი შემოვიდა იმის გამო, რომ მას სახელმწიფო სტრუქტურები მორღვეული ეგონა.

„ფაქტი არის ერთი, ის შემოვიდა საქართველოში იმ გათვლით, რომ დახვდებოდა მორღვეული სტრუქტურები და ამის გამო ვერ მოხდებოდა მის მიმართ კანონის აღსრულება, მისი დაკავება, თუმცა წააწყდა პრინციპულად განსხვავებულ სინამდვილეს, როდესაც სამართალდამცველი სტრუქტურები დადგნენ მოწოდების სიმაღლეზე, აღასრულეს კანონი და სააკაშვილი მოხვდა იქ, სადაც უნდა მომხვდარიყო. მან ეტყობა დაიჯერა ის, რაზეც საუბრობდა მთელი წლების განმავლობაში, რომ თითქოს ხელისუფლება იყო რაღაცნაირად ჩამოშლილი, თუმცა დახვდა განსხვავებული ხელისუფლება, მტკიცე ხელისუფლება, რომელსაც შეეძლო კანონის აღსრულება, მათ შორის, არაჟნებთან ერთად შემოპარული ექს- პრეზიდენტის დაკავება და მის მიმართ კანონის აღსრულება. რაც შეეხება იმას კარგია თუ ცუდია სააკაშვილის ციხეში ყოფნა - კარგია, რა თქმა უნდა, პირველ რიგში, სამართლიანობის პრინციპიდან გამომდინარე“, - განაცხადა კობახიძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა